Зроблена ў Добрушы: дырэктар сярэдняй школы №2 імя Ф.

Я. Кухарава Добруша Марына Макарава вырабляе цудоўныя дэкаратыўныя прадметы інтэр’ера і жаночыя сумачкі. Стыльныя аксесуары надаюць непаўторнасць вобразу кіраўніка. Як ствараюцца ўнікальныя прадметы. Кіраўніка самай вялікай у Добрушскім раёне школы і зімой, і летам можна су­стрэць на вуліцах горада са стыльным аксесуарам у руках. Вырабы са скуры і папяровай лазы ўражваюць з першага позір­ку. Адны калегі Марыны Макаравай цікавяцца крэатыўным захапленнем, другія дзівяцца, наколькі рацыянальна яна ба­віць вольны час, а астатнія здзіўляюцца, што такія крутыя аксесуары можна зрабіць сваімі рукамі. Адно абсалютна дакладна: абыякавых няма. Захапленне Марыны Віктараўны родам з дзяцінства. З малых гадоў яна праяўляла творчыя здольнасці, якія з часам перараслі ў сапраўднае хобі, медытацыю і рэлаксацыю пасля напружанага працоўнага дня. - У школьныя гады наведвала розныя творчыя гурткі, стварала карціны з круп, займалася вязаннем і шыццём, выдатна гафтавала, - расказвае Марына Макарава. - У мяне быў цудоўны кіраўнік гуртка Людміла Пятроўна Дзмітрыенка, якая многаму мяне навучыла. Акрамя таго, я наведвала вучэбна-вытворчы камбінат па спецыяльнасці «Швачка» і нават свой шыкоўны ўбор на выпускны вечар пашыла самастойна. Аднойчы мне на вочы трапілася відэа з вырабамі, створанымі з трубачак папяровай лазы. Паспрабавала паўтарыць, і ў мяне адразу ўсё атрымалася. Мне гэтая дзей­насць настолькі спадабалася, што ўжо 7 гадоў займаюся творчасцю. Першымі вырабамі былі скрыначкі для захоўвання, а за імі і шкатулкі, разнастайныя кошыкі. Марына Віктараўна зрабіла і вялікі кошык для пікніка. - Самы вялікі мой выраб - плецены куфар. Прыйшлося нават мужа і брата прыцягнуць да вырабу яго каркаса і мацавання накрыўкі, - прыгадвае суразмоўніца. - Усе мае прадметы маюць функцыянальнае прызначэнне. Напрыклад, жаночыя сумачкі падыходзяць для захоўвання тэлефона, кашалька і розных дробязей. Дарэчы, сумачкі Марыны Віктараўны выглядаюць уражальна, яны заўсёды прыцягваюць увагу навакольных. Для іх вырабу неабходны пэўная колькасць прылад, матэрыялаў і, вядома ж, творчы падыход. Натуральная скура - асобная гісторыя, бо тут мноства нюансаў у плане таўшчыні, калянасці, фактуры і адценняў. - Зыходным пунктам у вырабе першай сумачкі стала карцінка з інтэрнэту. Мне вельмі спадабалася ідэя спалучэння скуры і лазы, якую я пастаралася рэалізаваць, - успамінае Марына Макарава. - Так супала, што на той момант муж таксама вырашыў заняцца хобі і купіў набор пачынаючага гарбара. Натуральна, набор апынуўся ў маіх руках, і тут усё як закруцілася… Дарэчы, сумачкі ў яе атрымліваюцца непаўторныя: такую ж другую не знайсці. Вырабы вылучаюцца эстэтычнасцю і адметным стылем. - Для мяне працаваць з рознымі матэрыяламі, ствараючы нешта новае, прыраўноўваецца да медытацыі. Па вечарах уключаю які-небудзь фільм, сяджу, майструю і проста адпачываю, - адзначае Марына Макарава. Ад ідэі да рэалізацыі аднаго вырабу патрабуецца два тыдні. Ёсць сярод аксесуараў тыя, над якімі прыйшлося шмат папрацаваць, каб дабіцца візуальнага эфекту. Напрыклад, каб атрымаць 7 розных адценняў лазы пры перахо­дзе ад чорнага колеру да чырвонага. Больш часу заняло афарбоў­ванне папяровай лазы, каб адценні адрозніваліся роўна на адзін тон. - Вельмі хацелася мець такую сумку ў сябе! - прызнаецца Марына Віктараўна. - І гэтая сумачка-трансформер у выкананні была самая складаная, але пакуль і самая неардынарная. Вельмі шмат часу ідзе на работу менавіта з лазой і яе накручваннем. Спа­дзяюся, што муж-інжынер дапаможа знайсці спосаб хутчэй спраўляцца з гэтай працаёмкай часткай. У хуткім часе ў эксклюзіўнай серыі з’явяцца пляжныя сумкі, бо настала доўгачаканае лета і сезон адпачынкаў. Дарэчы, сумачкі Марыны Віктараўны выглядаюць уражальна, яны заўсёды прыцягваюць увагу навакольных. Для іх вырабу неабходны пэўная колькасць прылад, матэрыялаў і, вядома ж, творчы падыход. Натуральная скура - асобная гісторыя, бо тут мноства нюансаў у плане таўшчыні, калянасці, фактуры і адценняў. - Зыходным пунктам у вырабе першай сумачкі стала карцінка з інтэрнэту. Мне вельмі спадабалася ідэя спалучэння скуры і лазы, якую я пастаралася рэалізаваць, - успамінае Марына Макарава. - Так супала, што на той момант муж таксама вырашыў заняцца хобі і купіў набор пачынаючага гарбара. Натуральна, набор апынуўся ў маіх руках, і тут усё як закруцілася… Дарэчы, сумачкі ў яе атрымліваюцца непаўторныя: такую ж другую не знайсці. Вырабы вылучаюцца эстэтычнасцю і адметным стылем. - Для мяне працаваць з рознымі матэрыяламі, ствараючы нешта новае, прыраўноўваецца да медытацыі. Па вечарах уключаю які-небудзь фільм, сяджу, майструю і проста адпачываю, - адзначае Марына Макарава. Ад ідэі да рэалізацыі аднаго вырабу патрабуецца два тыдні. Ёсць сярод аксесуараў тыя, над якімі прыйшлося шмат папрацаваць, каб дабіцца візуальнага эфекту. Напрыклад, каб атрымаць 7 розных адценняў лазы пры перахо­дзе ад чорнага колеру да чырвонага. Больш часу заняло афарбоў­ванне папяровай лазы, каб адценні адрозніваліся роўна на адзін тон. - Вельмі хацелася мець такую сумку ў сябе! - прызнаецца Марына Віктараўна. - І гэтая сумачка-трансформер у выкананні была самая складаная, але пакуль і самая неардынарная. Вельмі шмат часу ідзе на работу менавіта з лазой і яе накручваннем. Спа­дзяюся, што муж-інжынер дапаможа знайсці спосаб хутчэй спраўляцца з гэтай працаёмкай часткай. У хуткім часе ў эксклюзіўнай серыі з’явяцца пляжныя сумкі, бо настала доўгачаканае лета і сезон адпачынкаў. У планах Марыны Макаравай - дабавіць сумкам родных матываў. Нацыянальны каларыт вырабам нададуць бакавыя ўстаўкі з эпаксіднай смалы ў выглядзе сімвала Беларусі - кветак васілька. - Калегі захапляюцца маёй сумачкай, патрымаўшы яе ў руках, і дзівяцца, што гэта ручная работа, - дадае рукадзельніца. - Дарэчы, у маёй калекцыі мала вырабаў уласнай вытворчасці, люблю шкатулкі, кошыкі, дэкаратыўныя падстаўкі і іншыя прадметы прэзентаваць сябрам і знаёмым. Бо яны па-сапраўднаму асаблівыя, адзіныя ў сваім экзэмпляры, а яшчэ ў іх заключана вялікая каштоўнасць - увага, клопат, шчырая дабрыня і любоў.
#приветсейчасдобруш #добруш #dobrush #гомель #gomel #беларусь #belarus