БЕЛАРУСКАЯ РОДНАЯ МОВА
“Не пакідайце ж мовы нашай
беларускай, каб не ўмёрлі!”
Ф. Багушэвіч
Ты пад вартаю,
Ты за кратамі,
Назаўжды без віны вінаватая.
Па-за шатамі,
Па-за хатамі,
За сваімі найлепшымі датамі.
І пакрыўджаная,
І прыніжаная,
Пагарджаная,
Недакаханая.
Ты ў сонцы, у дажджах гартаваная.
Па самотных шляхах вандраваная.
Непахісная. Бездакорная.
У ліцвінскіх сыноў улюбёная.
Аксамітная. Старажытная.
Вечнай шчырай надзеяй вагітная.
- Табе хлусілі!
- Не прымусілі.
- У цябе стрэлілі!
- Не пацэлілі.
- Ты не вартая!
- Але ўпартая.
- Ты зняможана!
- Не пераможана.
Чарадзейная. Апантана