Непостижимым промыслом ко благу вечному мир уготовляяй, человекам времена и образ кончины определивый, остави, Господи, от века умершим вся согрешения их, приими я в обители света и радования, объятия Отчи отверсти им потщися и услышали ны, память их совершающая и поющия : Господи, Любы неизреченная, помяни усопшия рабы Твоя
Упокой Господи усопших раб Твоих и прости вся согрешения их, вольныя и не вольныя и даруй им Царствие Небесное и причастие вечных Твоих и блаженныя жизни наслаждение
О, Премилосердный Отче Безначальный, всём хотяй спастися, Сына к погибшим низпославый и Духа Животворящего изливаяй! Помилуй, прости и спаси родныя и близкия нам усопшия и всех, от века скончавшихся, и предстательством их, посети нас, да вместе с ними вопием Тебе, Спасителю Богу, победную песнь : Аллилуйя