МАҺРУЙ
...Шәһит Әхмәт улы Мәскәүгә һуңғы тапҡыр юлланыр алдынан тыуған ауылына ҡайтып, туғандары менән күрешеп китә. Иң кесе һеңлеһе Ғәлимәгә был ваҡытта 8 генә йәш була. Уның хәтерләүҙәре буйынса, Шәһит был көндә улар алдында оҙон халыҡ йырын йырлай, һәр береһе менән һөйләшеп ултыра. Ә Өфөгә ҡайтҡас, ҡатынына: «Ғәлимә бик теремек ҡыҙыҡай. Уның мәктәпкә йөрөмәүенә борсолам», – ти. Шәһит вафат булғас, Маһруй Бесәнсе ауылына (Күгәрсен районы, Шәһит Хоҙайбирҙиндың тыуған ауылы) йыш бара. Иренең Ғәлимә хаҡындағы борсолоуҙарын васыят итеп ҡабул итә, һәм бер барғанында ҡыҙыҡайҙы үҙе менән Өфөгә алып ҡайтып, мәктәпкә урынлаштыра. Шәһиттең Ғибаҙулла ҡустыһы ла Маһруй тәрбиәһен күрә. Яҙмыш елдәре Ғәлимәне Ҡырғыҙстан яҡтарына ташлай. Бары утыҙ өс йылдан ғына ул Башҡортостанға әйләнеп ҡайта. «Маһруй инәй менән әсәйемдең оҙаҡ йылдан һуң осрашыуына мин шаһит булдым, – тип һөйләй Ғәлимә ханымдың ҡыҙы Наилә апай. – Был осрашыу бер-береһенә ныҡ яҡын кешеләр осрашыуы ине...»
Рәзилә Ырыҫҡужина,
Рәсәй һәм Башҡортостан Яҙыусылар союздары ағзаһы.
Сайтта уҡығыҙ: https://bashkortostankyzy.rbsmi.ru/articles/be-e-b-ygel-r/ma-ruy/
Присоединяйтесь к ОК, чтобы посмотреть больше фото, видео и найти новых друзей.
Нет комментариев