Предыдущая публикация
ЖЕПНӒ ВӸСӒ
Тӓ Земляжӹ йӹле сӓрнӓ,
Тӓ тенгелӓ чучеш вел:
Эртӓ кечӹ, эртӓ ӓрня,
Ыльы кӓнгӹж – уже тел!
И чонгештӓ – цаклен ат шо!
Шанен пиштет тамамат, –
«Мам ӹштенӓт?» – тагӱ ядшы,
Тумаялат – нимамат!
Ӹне малын изи годым
Жеп шыпшылтын кужын пиш?
Каждый кечӹ ӓшеш кодын,
Вуйта айо йиш гӹц йиш!
Кӓнгӹж – ылын изи курым,
Телжӹ – цӱдӓ ямак гань,
Иргод угӹц канден пурым –
Ылде ик кечӓт икань!
А ӹндежӹ, ӹлен толмык,
Жепнӓ вӹсӓ пикшлӓок!
Ӓй цилӓ ма ужмы-колмы?
Ӓй лишӓшлык тенгеок?..
Светлана Вассанова
Следующая публикация
Комментарии 17