Предыдущая публикация
Пелӓш ойхым коктеш шелеш,
Ладнангдара, кынам келеш,
Юкдеок цилӓ ынгыла,
Тӹлӓт худа — йӓнгжӹ йыла.
Шоктыделат тӹвӹлӓен —
Ак кашт тӹньӹм йӓллӓн хаен,
Жепӹм ат мо качкаш шолташ, —
Ак чонгештӹ вӹкет плошка.
Пӓшӓм ак ман: «Мӹньӹн, тӹньӹн…»
Нелӹ годым ак ли шӹнгӹнь.
Келеш — мышкеш вӓк седӹрӓм,
Самлен шӹндӓ — ире йӹрӓн.
*********
Керек яжо лижӹ йӓлӹн,
Но ӹшкӹмӹн — цилӓ хӓлӓ:
Ышыжат, вӹлвӓл сӹржӓт,
Ласкожат, акситӹжӓт.
Вет пелӓшӹм Йымы пуа:
Пӓлдӹм эдем лиэш туан.
Ӹлен кердӓт целан пелӹ?
Пелет уке — шамде нелӹ
Светлана Вассанова
Присоединяйтесь к ОК, чтобы посмотреть больше фото, видео и найти новых друзей.
Нет комментариев