Предыдущая публикация
Мӹнь шанышым:
Икӓнӓ - иктӹм момык,
Сек цӓшӓн пелӓш линӓ свет вӹлнӓт.
Тумайышым:
Шӓргӓшӹм чиктӓш шомык,
Яратымашнам ак йӧртеп иктӓт.
Мӹнь шанышым:
Пелӓшет лиӓм пуры,
Ынгылышы дӓ нӹжгӓ мыры гань.
Тумайышым:
Ик шамак ак шач тура,
Дӓ шӹдӹ ак ли лошты нимахань.
Мӹнь шанышым:
Ынгылем лиэш тӹньӹм
Дӓ кердӓм сусуэмден хоть-кынам.
Тумайышым:
Шим пӹлжӹ толеш гӹньӹ,
Яратымашнам ак мӱдӹ тӹнӓм.
Мӹнь шанышым…
Ах, сӓмӹрӹк ороды!
Выченӹт мӓмнӓм ӱштӹ дӓ лымжат…
Тумайышым…
Но шанымашым тодын
Дӓ лӹвӹжтӓрен кердӹн покшымат…
Светлана Вассанова
Присоединяйтесь к ОК, чтобы посмотреть больше фото, видео и найти новых друзей.
Комментарии 3