Yeni şeir .

Mənim arzularım yetim, kimsəsiz,
Sənin arzuların ata analı.
Mənim xəyallarım əli qanlıdı,
Sənin xəyalların əli xınalı.
*.
Beşiksiz körpədi mənim ürəyim,
Körpəsiz beşiyi neyləyəcəksən?
Ana laylasına həsrət qoyaraq,
Nə qədər körpəsiz yelləyəcəksən?
*.
Naməhrəm etmişəm özümə eşqi,
Vüsal haram deyib fəthva vermişəm.
Daha inanmiram iki aləmə,
Dünyanı cənnəti səndə görmüşəm.