Каб мы, як нашчадкі, навек збераглі

Сваё беларускае слова.
В.Казачок
Беларускае слова
Спрадвеку жыло і ў вяках будзе жыць,
Цвісці найпрыгожаю кветкаю,
Калі станем шчыра ахоўваць, цаніць
Любімае, наша адметнае,
То будзе гарэць цудадзейным агнём
І полымем вечным апыніцца.
Эх, вершаў напішам, і песень спяём,
Такіх, што раней і не снілася!
Жыло і жыве , і ў вяках яму б жыць,
І біць, як крыніца гаючая...
Вы чуеце? Чуеце? Слова гучыць!
Хай сціплае ды неўміручае!