Жнівень

А жнівень пахне яблычнай шарлоткай,
Малінавым салодкім пірагом,
Ды толькі адплыве па рэчцы лодкай,
Схаваецца, як сонца за сялом,
І застанецца добрым успамінам,
Чароўнай казкай і прыгожым сном,
Наліўкаю, што водарам ажыны
Запросіць шчыра госцейкаў у дом.
Ён застанецца грушавым варэннем
Ды караваем смачным на стале,
Хвілінкаю, жыцця майго імгненнем,
Што караблём да Вечнасці плыве.
@АленаКотава