Келиним десам хато бўлар, кизим.
Кўрган одам шахардан тушган демайди хозир. Келин бўлиб тушган пайтида қўғирчоқ эди. Буни ўша куни тўйга келганларнинг хаммаси тасдиқлашади. Бели чумолиникидай хипча, қилча десам хам хато бўлмайди. Киприкларини, кўзларини айтмайсизми.. Устидаги либоси ўзига бирам ярашиб тургандики, асти қўяверасиз. "Ўғлим бир хурлиқони топган" - деб бирам хурсанд бўлгандим...
Мана шу қўғирчоқнинг эртаси куни қилган ишини кўрсангиз эди. Эрталаб «Ойижон, нонушта тайёрладим, келинглар» деди. Ойижон деган тилингга шакар деганча
уйга кирдим. Кириб не кўз билан кўрайки, бир патнисда мен билмайдиган аллам- балолар турибди. "Бу нима? "- дедим келинга биринчи кун дан жаҳл қилмай, деб, секингина. «Спецзаказ», - жавоб берди келиним.
- Нима? - дедим бу сўзнинг магзини чақолмай. - Нимаказ, дедингиз, келин. - ■
- Спец за-каз, яъни махсус буюртма. Тўйдан олдин олиб, сепимга қўшиб қўйгандим. Қишлоқ дўконларида бўладими йўқми, деб,
- Нима балоси экан бу қишлоқдан топилмайдиган ? Шаҳардаги нимаики бўлса хаммаси ўзи қишлоқдан борса.- Шундай деб дастурхондаги идишларга қарадим.
- Мана бу сметана, - деди келиним бир елим идишни кўрсатиб. - Буниси чококрем, бу «сливичний масла», мана буниси икра, бунисини ўзингиз ҳам биласиз - «сосиска», куриний. Э, узр. товуқники. Российский производства.
- Келин,- дедим ўзимни босишга уриниб. - ўғлим сизга айтган бўлса керак, ширу шакар қилиб гапирганларни жиним суймайди. Қайси тилда гапирсангиз гапираверинг,
лекин унга бошқасини аралаштирманг.
- Хўп ойижон,- деди келиним * бошини эгиб. Сўнг мушук эгасига суйкалгандай
пинжимга тиқилди. - Тилим ўргангунча кечириб турасизда майлими, ойижон?
" Ойижон " демаса оламига ўт қўйворардим-у, лекин боламнинг орқасидан келгани учун, кейин ҳали ёш, деб кечирдим. Аммо сездирмадим.
- Тилингиздан олдин ўзингиз ўрганинг, келин пошшо. ..
Буни қаранг, келин дегани бўлса мана шундай бўладида, бир марта ковок, читмади-я. Чақиб-чақиб гапирганимдан ўзим уялиб кетдим. Нон ушатаётиб сўрадим:
-Тушликка нима овқат қилмоқчи бўляпсиз?
- Картошка жа.,.вурсаммикан...- ўзининг гапидан ўзи кулиб юборди. Кейин гапига тузатиш киритди. - Сиз нима десангиз шу ойижон .
- Ўзингизга ёққан овкатни қилаверинг. Картошка жавурсангиз хам майли, - дедим кулиб.
- Уннда «ход-дог» қила қоламан, - деди ёш боладай қувониб. – Кўп вақт олмайди.
- Яна қанақа таомларни пишира оласиз? - сўрадим келинимдан.- Сизни пазандаликка ўқиган деб эшитгандим.
- Шаурма, гамбургер, - бармоқларини букиб санай кетди келиним. - Чизбургер, котлет..
- Бўлди - бўлди, етарли. - қўйиб берсам бутун дунё таомларини санаб ташлайди. -
Меньюнгизда ўзбекча таомлар хам борми?
- Ойижон, шу «менью» деган сўзнинг ўзбекчасини билмайманда. Ўзи борми ё шундай ишлатиладими ?
Бу келин тушмагур мени бугундан бошлаб «синдириш*га тушиб кетибди, дедим ичимда. Сиртимда эса:
- Хеч ўйлаб кўрмаган эканман, келин, - дедим писанда қилиб. - Лекин билсангиз бу сўз аслида ўзбекча сўз бўлган экан. Дадаси рахматли шунака дердилар. «Ме-нью»мас, «Мен у» бўьган экан. Овқатни, хатто номини кўрганингда ҳам мени кўргандай бўл. У мен, мен у. Қанчалик меҳрингни кўп берсанг, эрингни кўнглига йўл топиш шунчалик осон бўлади*, дердилар. Эрнинг кўнглига ошқозон орқали борилади, деган гan хам бежизгамас.Сиз санаган овқатлар сал кам совуқ овқатлар. Совуқ овкат эрнинг кўнглини совутади. Буни унутманг, келин.
- Хўп, ойижон, - деди келиним дарсда жавоб беролмаган ўқувчидай мулзам тортиб. - Лекин ўзбекча овқатларни бил- майман-да. Хозир шуни ўйласам...
- Ўйламанг. Аста - аста ўрганиб кетасиз. Мен "ўқувсиз келин экан" деб хайдаб соладиган қайноналардан эмасман.
Шу-шу бўлди-ю, келиним ўзбек таомларини менинг кўмагимда ўрганишга киришиб кетди. Рўзғop ишларини хам аста-секин ўзлаштира бошлади. Бир-икки марта сигир сатилни сути билан тепиб ағдарганидан кейин сигир соғиш машғулотларини ўтади. Сигир елинига санчилиб қолаверадиган тирноқларини олгач, бу иш изига тушиб
кетди. Музлаткич бузилиб қолгач, гўштни тузлаб қоқи килиб қўйишни, кейин таппи- тезак қилишни, қудуқдан сув тортишни... хуллас, ўчоқдан кириб кулдан чиқадиган келинга айланди. Мана шунақа гаплар, меҳмон.
- Ҳой, келин, меҳмон кетаман деяпти. Ход- догингизданми, шаурмангизданми олиб кела колинг. ...
Ха, айтгандай, келинимга кўча томондан кичкинагина ошхона очиб берганман. Ҳамқишлоқларим келинимга - «Гамбургер келин» деб от қўйиб олишган. . Ха, майли, нима дейишса, дейишаверишсин тўғрими, меҳмон? Аммо-лекин бунақа келин қишлоғимизда битта. Юз процент гарантия... Э, узр, юз фоиз кафолат. Келиннинг хам таъсири бўларкан, барибир....
Присоединяйтесь к ОК, чтобы подписаться на группу и комментировать публикации.
Комментарии 3