Уйлар

Сания Шәрипова,
Юньле уйлар ялгышып
Килеп тә китми башка.
Мин аларга хуҗа түгел,
Идарә итә башка.
Алга таба йөгерәләр,
Җыеп тота алмыйм башта.
Уйларга бирелмәс өчен,
Нишләргә икән башта?
Очсыз-кырыйсыз уйларга
Бернинди баш түзәлмәс.
Күпме өелсәләр дә
Төзелешләр төзелмәс,
Күңел яралары төзәлмәс.
Юк ятар өчен түшәге,
Юк йортлары түшәмле.
Барыр урын тапмаганга,
Уйлар башыма төшә әле.
Берсе керә, берсе чыга
Кирәк-кирәксез уйлар.
Куып җибәрә алсам,
Аларны кем соң уйлар?
Сания Шәрипова, Башкортостан, Бүздәк
13.03.15