КУГАРНЯ газет

Кӱчыкэҥер тоштер — историйлан поян вер Морко район Кӱчыкэҥер ялыште Н.И.Казаков лӱмеш литератур да краеведений тоштер верланен. Тудын зданийже Россий Федерацийысе калык-влакын кундем кӱкшытан тӱвыра югыпого объектлан (историй да тӱвыра шарныктыш) шотлалтеш. Ончыч тушто земстве школ лийын.Тоштер 1995 ий годсек пашам ышта. Тушто Г.К.Сошина икымше кече гычак тырша. Тыште литературный, воинский, краеведческий зал-влак улыт. Мемнам эн ончыч литературный зал дене палымым ыштышт. Тудо тӱрыснек Николай Иванович Казаковлан пӧлеклалтын. Поэт нерген пырдыжысе кугу стендыште тӱрлӧ фактым ончыктымо. Тыгак тудын бюстшо, вургемже, личный арверже-влак аралалтыт. Залыште моткоч шуко марий книга, картине-влак улыт. Нуным ялысе калыкын полшымыж дене погымо. Ты залын ик лукшым кугу диван айла. Тушто толшо-влак погынат да тӱрлӧ мероприятийым эртарат.

❗ Москошто ВДНХ-ште Марий Элын шке пеледыш клумбыжо лиеш.❗ 🌸 Клумбо покшелне марий музыкант-шамычын композицийыштым вераҥдат (тудын оригиналже Йошкар-Оласе Рӱдӧ паркын тӱҥ аллейыштыже уло). Композиций йыр марий ӱдыр ден каче тарванылыт. 💮 21 майыште ВДНХ-ште клумбым торжественно почыт. А 26 майыште Россий тӱнямбал-выставке форумышто «Пеледыш пайрем» эрта. Тудо 12:30 шагатлан 75-ше павильон воктеч таҥ ошкылмаш дене тӱҥалеш. 13 шагатлан ВДНХ-се тӱҥ сценыште кугу пайрем концерт лиеш. Тудым Марий Эл гыч 250 утла профессионал артист сӧрастара. Елена Годунова.

Таче Советский район Колыгудо ялым ончен савырнышна. Тыште у асфальтым, мотор пӧрт-влакым ужна. Подписчикналан пӧлекым кучыктышна. Тиде 85 ийыш вончышо Галя ковай улмаш. Ме марий кумылан ты кова дене мутланышна, эрге-шешкыж дене илымыжым пален нална.

Советский район " У илыш" озанлыкыште паша шолеш. Шӱрымат тамлен ончална. Тутло...

☀ Таче моткоч сылне кече, сандене "Кугарня" газетын пашаенже-влак Советский кундемысе «У илыш» колхозыш командировко дене толынна. Иван Речкин, Эльвира Терентьева, Дарья Быкова Ӱшнур селаште ял озанлык паша шотышто мутланат, уверым погат.

🖌💮18 майыште Марий Турек район Марий Купто школ тоштерыште Почмо омса кече эртен. Тудо Тоштер-влакын тӱнямбал кечыштлан пӧлеклалтын. 🌼Тоштерын кокымшо пӧлемжым тылзе ончыч гына почмо. Тыште директорын воспитаний паша шотышто советникше А.А.Орлова ден англичан йылмым туныктышо А.Н.Ягодарова тыршеныт. Эльвира Терентьева.

🌏 Калининград область Янтарный посёлкысо "Ладья" ресторан комплексыште марий кочкыш дене палдареныт. 🥞🧆"Тёплая речка" трактирын пашаеҥже-шамыч подкогыльо, ӱяча, тӱрлӧ шыл гыч ямдыме шӱр дене кок кече уна-влакым сийленыт. 🍽 Нунын коклаште кумдан чапланыше ресторатор, отельер, ялозанлык сатум ямдылыше да вузым вуйлатыше-влак лийыныт. Уна-шамыч кочкыш гоч Марий Эл нерген утларак пален налыныт. Елена Годунова. 📸 Туризм Марий Элыште тӱшка гыч налме фото-влак.

КУРЧАК МАСТАР 15 майыште Екатеринбургышто марий-влакын погынымо "Эльмаш" тӱвыра пӧртыштӧ кидмастар Людмила Шалкиева кидпаша ончержым ончыктен да бисер дене мастер-классым эртарен. Людмила Петровна СВО-шкат 300 аралтыш-суксым ыштен колтен.

«Тыныслык кӧгӧрчен» СВО-што улшо салтак-влакын родо-шамычыштын йодмышт почеш черетан гуманитарный полышым намиен шуктымо. Тудым «Мари ушемын» чолга еҥже-влак, уста гармоньчо Олег Бакутов (Батя Шемэръ) да мурызо Светлана Яндукова намиеныт. Специальный военный операций кайыме верыште лийме да салтак-влак дене вашлийме нерген Светлана Альбертовна каласкала. Куд гана миеныт Спецопераций тӱҥалме кече гычак Светлана Альбертовна порысыштым шуктышо патыр-влак деке агитбригаде дене каяш шонымаш дене ылыжын, но пашалан, вара черлан кӧра ты шонымаш эре шеҥгелан кодын. – Василий Григорьевич Петровын вуйлатымыж почеш «Мари ушем» декабрь гыч гуманитарный полышым спецопераций эртыме верлаш коштыкташ тӱҥалын. Мемнан группына ныл еҥ гыч шоген: Дмитрий Пекпаев, Андрей Баранов, Олег Бакутов да мый. Икымше концертым ме госпитальыште тошкалтыш площадкыште эртаренна. Тӱрлӧ республик гыч эмганыше салтак-влак мыланна моткоч йывыртеныт. Вара корнывожышто верланыше кевыт воктене, блиндажыште, куснылшо госпитальыште да Северодонецкыште лийынна, тушто улшо боец-влак дене мутланенна. Северодонецк олам тушман деч мемнан лӱддымӧ рвезе-шамыч утареныт да кызыт тудым оролен шогат. Кеч ты ола шаланен, пудешталт пытыше гынат, калык тыште илаш тӧча. Тыгак ме Луганск олаште лийынна. Тыште еҥ-влак ласканрак илат, военный машина гына эре кудалыштеш. Вигак коеш, Луганскыште – военный положений. Но тидлан чыланат тунемыныт, мӧҥгешла, военный машина огеш лий гын, лӱдыкшӧ, – каласкала мурызо. Светлана Яндукова ден Олег Бакутов элнам аралыше салтак-влакын кумылыштым муро дене нӧлтеныт. Светлана Яндукова Раисия Данилован репертуарже гыч «Илаш кӱлеш» марий мурым, вара «Катюша» ден «Журавли» руш муро-влакым мурен.