Тений мартыште Россий Президент В.Путинын Указше почеш Волжский район Пӧртанур ялыште илыше 16 шочшан ава Наталия Леонидовна Васильева «Героине-ава» почётан лӱм дене палемдалтын. Вате-марий Васильевмыт Наталия Леонидовна ден Владимир Александрович 11 шочшан ача-ава улыт. Ӱмаште Наталия Леонидовна эше шӱжаржын вич йочажым ончаш налын.
Морко гыч Самарыш
Вате-марий Васильевмыт тӱрлӧ вел гыч улыт. Наталия Леонидовна – Морко район Тыгыде Морко ялын шочшыжо гын, Владимир пелашыже – Самара кундем гыч. Чишкан ялыште рвезын коваже илен улмаш. Сандене тыштак нуно икте-весым вашлийыныт, йӧратен шынденыт, мужыраҥыныт.
Ик жап Самара олаште ешге иленыт, вара Татарстан Республикысе Зеленодольск олаш кусненыт. А 2011 ийыште шуко шочшан еш-влакын программышт почеш Юлсер кундем Пӧртанур ялыште пӧртым налыныт. Шӧр-торыкан лияш манын, вольыкым ашнаш тӱҥалыныт.
Наталия – профессийже дене бухгалтер, пытартыш жапыште кевытыште ужален. Тыгеже йоча-шамыч дене шогылтеш. Владимир пелашыже – леведышым тӧрлышӧ мастар еҥ. Кызыт тудо самозанятый семын пашам ышта: йодмо почеш еҥ-влакын пакчаштым куралеш, тырмала, шудым сола, оварта да молат.
Вате-марийын эн шергаканже, эн кугу поянлыкше – тиде шочшышт-влак.
Умбакыже ... https://xn--24-6kcl8auuv6i.xn--p1ai/16-shochshan-acha-ava/
Присоединяйтесь к ОК, чтобы подписаться на группу и комментировать публикации.
Нет комментариев