Как молиться в семейных ссорах?

Ошибочно думать, что в счастливых и дружных семьях ссор не бывает. Бывают. Но у них есть три особенности: сохранение уважения друг к другу, отсутствие злопамятства, припоминания прошлых оплошностей и искреннее желание быстрее помириться.
В любой ситуации должно оставаться понимание, что вы – самые родные и близкие люди, которые всегда поймут, простят и не перестанут молиться друг за друга и о мире в семье.
Мои дорогие, молитва в состоянии укротить гнев, удержаться от обидных слов и помириться. Сохраните для себя эти молитвы, и да будут в ваших семьях мир и любовь!
Тропарь, глас 4:
Сою́зом любве́ апо́столы Твоя́ связа́вый, Христе́, и нас Твои́х ве́рных рабо́в к Себе́ тем кре́пко связа́в, твори́ти за́поведи Твоя́ и друг дру́га люби́ти нелицеме́рно сотвори́, моли́твами Богоро́дицы, Еди́не Человеколю́бче.
Кондак, глас 5:
Пла́менем любве́ распали́ к Тебе́ сердца́ на́ша, Христе́ Бо́же, да то́ю разжига́еми, се́рдцем, мы́слию же и душе́ю, и все́ю кре́постию на́шею возлю́бим Тя, и и́скренняго своего́ я́ко себе́, и повеле́ния Твоя́ храня́ще сла́вим Тя, всех благ Да́теля.
Молитвы благоверным князю Петру и княгине Февронии, Муромским чудотворцам:
О, вели́цыи уго́дницы Бо́жии и преди́внии чудотво́рцы, благове́рнии кня́же Пе́тре и княги́не Февро́ние, гра́да Му́рома предста́тели, честна́го бра́ка храни́тели и о всех нас усе́рднии ко Го́споду моли́твенницы! Вы во дни земна́го жития́ ва́шего о́браз благоче́стия, христиа́нския любве́ и ве́рности друг ко дру́гу да́же до гро́ба яви́ли есте́ и тем зако́нное и благослове́нное супру́жество просла́вили есте́.
Сего́ ра́ди к вам прибега́ем и мо́лимся со усе́рдием кре́пким: принеси́те за нас, гре́шных, святы́я моли́твы ва́ша ко Го́споду Бо́гу, и испроси́те нам вся благопотре́бная душа́м и телесе́м на́шим: ве́ру пра́ву, наде́жду бла́гу, любо́вь нелицеме́рну, благоче́стие непоколеби́мое, в до́брых де́лех преуспе́яние3, наипа́че же сою́зом бра́чным сочета́вшимся да́руйте моли́твами ва́шими целому́дрие, друг ко дру́гу любо́вь в сою́зе ми́ра, единомы́слие душ и теле́с, ло́же ненаве́тное, пребыва́ние незазо́рное, се́мя долгожи́зненное, о ча́дех благода́ть, до́мы испо́лнены благосты́ни и в жи́зни ве́чней неувяда́емый вене́ц сла́вы Небе́сныя.
Ей, чудотво́рцы святи́и! Не пре́зрите моли́тв на́ших, со умиле́нием вам возноси́мых, но бу́дите при́снии засту́пницы на́ши пред Го́сподем и сподо́бите нас предста́тельством ва́шим спасе́ние ве́чное получи́ти и Ца́рствие Небе́сное насле́довати, да славосло́вим неизрече́нное человеколю́бие Отца́ и Сы́на и Свята́го Ду́ха, в Тро́ице покланя́емаго Бо́га, во ве́ки веко́в. Ами́нь.
Мученикам и исповедникам Гурию, Самону и Авиву
О, пресла́внии му́ченицы Гу́рие, Само́не и Ави́ве! К ва́м, я́ко ско́рым помо́щникам и те́плым моли́твенникам, мы́, немощни́и и недосто́йнии, прибега́ем, усе́рдно моля́ще: не пре́зрите ны́, во мно́гая беззако́ния впа́дшия и по вся́ дни́ и часы́ согреша́ющия; наста́вите на пу́ть пра́вый заблу́ждшия, исцели́те стра́ждущия и скорбя́щия; соблюди́те ны́ в непоро́чнем и целому́дреннем житии́; и я́коже дре́вле, та́ко и ны́не покрови́тели супру́жеств пребу́дите, в любве́ и единомы́слии сия́ утвержда́юще и от все́х злы́х и бе́дственных обстоя́ний избавля́юще.
Защити́те, о многомо́щныя испове́дницы, вся́ правосла́вныя христиа́ны от напа́стей, злы́х челове́к и ко́зней де́монских; огради́те я́ от неча́янныя сме́рти, умоля́юще Всеблага́го Го́спода, да вели́кия и бога́тыя ми́лости на́м, смире́нным рабо́м Свои́м, проба́вит. Не́смы бо досто́йни нечи́стыми уста́ми призыва́ти великоле́пое и́мя Созда́теля на́шего, а́ще не вы́, святи́и му́ченицы, за ны́ хода́таи бу́дете; сего́ ра́ди к ва́м прибега́ем и предста́тельства ва́шего пред Го́сподем о на́с про́сим.
Та́кожде изба́вите на́с от гла́да, пото́па, огня́, меча́, наше́ствия иноплеме́нных, междоусо́бныя бра́ни, смертоно́сныя я́звы и вся́каго душепа́губнаго обстоя́ния. Е́й, страстоте́рпцы Христо́вы, устро́йте на́м моли́твами ва́шими вся́ блага́я и поле́зная, да благоче́стно житие́ вре́менное преше́дше и кончи́ну непосты́дну стяжа́вше, удосто́имся те́плым заступле́нием ва́шим со все́ми святы́ми одесну́ю Правосу́днаго Бо́га Судии́ ста́ти, и Того́ непреста́нно сла́вити со Отце́м и Святы́м Ду́хом во ве́ки. Ами́нь.