Предыдущая публикация
Ի՞նչ է ներումը
Մենք հաճախ մտածում ենք, որ դիմացինին պետք է ներենք այն ժամանակ, երբ նա ներողություն խնդրի մեզանից:
Բայց ներումը առաջին հերթին նշանակում է ողորմություն, որ միգուցե դիմացինը արժան չէ, սակայն դու ողորմած ես գտնվում: Ներումը այն է, որ գութ ու ողորմություն շնորհես նրան, ով ձեռք չի բերել այն, ով անարժան է, չի վաստակել, բայց դու հասկանում ես, որ պետք է ներես նրան, ինչպես Հիսուսը քեզ ներեց:
«Եվ իրար հետ քաղցր եղեք, գթած՝ իրար ներելով, ինչպես Աստված էլ Քրիստոսով ձեզ ներեց» (Եփեսացիս 4:32)։
Աստծո խոսքը ասում է, որ միմյանց հետ քաղցր լինենք, գթած, իսկ գթածությունը, այն է, որ դիմացինը չի վաստակել ոչ մի բան, բայց դու գութ ես անում նրան: Մեկ այլ տեղ ասվում է՝ հագեք ողորմած սիրտ, այսինքն դուք չունեք այն, բայց վերցրեք ձեզ վրա: Եթե չկա ողորմածությունը, այն մարդու հանդեպ ով չի վաստայել ուրեմն ներում չկա, ուրեմն դու նրան չես ներել:
Մենք չենք ներում այն մարդկանց, ովքեր արդար են, Հիսուսը չեկավ արդարների համար, այլ՝ մեղավորների, Նա եկավ որ վերցնի մեր հանցանքերը, եթե դու կանգնած չես մեղավորի համար, եթե դու չես ներում դիմացինին ուրեմն դու դեռ չես ապաշխարել, չես հակացել քո քրիստոնեական կանչվածությունը:
Ի՞նչ է ներումը. Մովսես Առաքելյան
Այս կյանքում կգան առիթներ, որոնք պետք է ցույց տան քո հոգևոր մակարդակը: Ուշադիր եղիր, սովորի′ր ներել մեղավորին և միշտ հիշիր, որ Քրիստոս ներեց, գթած ու ողորմած գտնվեց մեր հանդեպ դեռևս այն ժամանակ, երբ մենք արժանի չէինք ոչնչի:
Следующая публикация
Нет комментариев