Предыдущая публикация
7 պատճառ, թե ինչու են մարդիկ հեռանում եկեղեցուց
7 պատճառ, թե ինչու են մարդիկ հեռանում եկեղեցուց Կա հիասթափության մի տեսակ, որը ես վերապրում եմ ծառայության մեջ. դա հետևելն է, թե ինչպես են մարդիկ գալիս եկեղեցի, ժամանակ անցկացնում և հետո անհետանում: Դուք ձեր ժամանակն ու ուժերը նրանց եք տրամադրում, հոգի եք դնում նրանց հետ աշխատանքի մեջ, սկսում եք սիրել, ուրախանում եք նրանց հետ, իսկ հետո հանկարծ նրանք անհետանում են:
Նրանք այսօր կան, վաղը՝ չկան:
Ես բացահայտել եմ առավել հաճախակի կրկնվող պատճառները: Հավանաբար դուք էլ եք նկատել դրանք:
7 պատճառ, թե ինչու են մարդիկ հեռանում եկեղեցուց.
«Հրկիզում».
Նման մարդիկ հենց առաջին օրից իրենց շատ ուժեղ են համարում: Նրանք մտնում են ամեն հնարավոր ծառայությունների մեջ: Նրանք այնքան շատ գործեր են ունենում եկեղեցում, որ չեն կարողանում սիրել պարզապես եկեղեցում լինելը, այլ սիրում են եկեղեցում իրենց գործերը:
Վնասվածքներ.
Մարդիկ եկեղեցում կարող են դաժան լինել: Ես ատում եմ այդ երևույթը, բայց դա իրոք այդպես է: Եվ ահա մարդը գալիս է եկեղեցի, հանդիպում նման մեկին և չի կարողանում հաղթահարել դա:
Շեղումներ.
Կան մարդիկ, որոնք շեղվում են առաջին հայացքից շատ նորմալ թվացող պատճառներով: Նրանք սիրում են աշխարհը, որը լի է սուր զգացողություններով: Եվ ժամանակի հետ նրանց եկեղեցի գալու սովորությունը վերածվում է եկեղեցի չգալու սովորության:
Փոփոխություններ կյանքի մեջ.
Մարդկանց կյանքում փոփոխություններ են կատարվում, որոնք իրենց հետ բերում են կյանքի նոր մակարդակ և նոր պայմաններ: Եվ, ցավոք, երբեմն եկեղեցին հայտնվում է վերջին տեղում:
Սխալներ.
Մարդիկ ինչ-որ տեղ սխալվում են, և նրանց սխալը հայտնի է դառնում, ու նրանց թվում է, որ այն անպայման կդառնա հանրային: Արդյունքում՝ այնտեղ, որտեղ նրանք պետք է շնորհ ու ողորմություն գտնեն, չեն գտնում այլևս: Հաճախ այդ վերապրումները ավելի շատ զուտ անձնական ընկալում են լինում, քան իրականություն, բայց այն, թե ինչպես է իրեն զգում այդ մարդը, կորոշի՝ կմնա՞ նա եկեղեցում, թե՞ ոչ:
Պայքար իշխանության համար.
Կան մարդիկ, որոնք ունեն իրենց ծրագիրը: Նրանք հետապնդում են որոշակի հետաքրքրություն կամ դիրք, և երբ նրանց պահանջները չեն բավարարվում, նրանք պարզապես հեռանում են:
Կապի բացակայություն.
Որոշ մարդիկ երբեք խորը կապ չեն ունենում ոչ ոքի հետ: Նրանք երբևէ իրենց չեն համարում եկեղեցու «մասնիկ»:
Մենք պետք է մեզնից պահանջվող ամեն բան անենք մարդկանց աշակերտ դարձնելու համար: Եկեղեցուց հեռանալու մարդկանց պատճառները պետք է օգնեն մեզ դրանում: Մենք ի զորու չենք բոլոր հարցերը լուծելու: Բայց որքան ավելի հասկանանք, այնքան ավելի կօգնենք մարդկանց, ովքեր բախվում են այդ հարցերին:
Բայց խոսքս միայն հովիվներին չի վերաբերում, այլև նրանց, ովքեր խաչմերուկում են: Եթե զգում եք եկեղեցու կարիքը ձեր կյանքում, ապա պահպանեք ձեր սիրտը: Եկեք և օգնեք եկեղեցուն ավելի լավը դառնալ:
Ռոն Էդմոնսոն
Следующая публикация
Комментарии 2