«Որովհետև սողոսկեցին ձեր մեջ ոմանք, որոնք վաղուց սահմանված էին սույն դատաստանի համար, ամբարիշտներ, որոնք մեր Աստծու շնորհն անառակության վերածեցին և ուրանում են այն միակ Իշխանին և մեր Տիրոջը՝ Հիսուս Քրիստոսին։ https://bible.com/bible/2329/jud.1.4 .ՆՎԱԱ»
Հուդա 1:4 ՆՎԱԱ
Աստված Իր առաքյալի շուրթերով կրկին զգուշացնում է հավատացյալներին, որ նրանք տարբերեն եկեղեցի ներս պրծած այն մարդկանց, որոնք թեեւ ներկայանում են որպես հավատացյալներ, սակայն, իրականում, ամբարիշտներ են, որոնց վերջը կորուստն է՝ հավիտենական դատաստանը:
Առաքյալը ամենայն կարեւորությամբ զգուշացնում է ճանաչել այդպիսի մարդկանց ու հեռու մնալ նրանցից: Ամենամեծ մեղքը, որ գործում են եկեղեցում գտնվող ու արտաքինից հավատացյալներից ոչնչով չտարբերվող այս մարդիկ, այն է, որ նրանք Աստծո շնորհքի սուրբ գաղափարը վերածել են անառակության: Նրանք մեղք են գործում եւ ասում, թե Աստծո շնորհքը ծածկում է իրենց մեղքը:
Նրանք աշխարհն են սիրում եւ ասում, թե Աստված կների իրենց Իր մեծ սիրո ու շնորհքի պատճառով: Հպարտ են, ամբարտավան, բամբասող, չարախոսող, հայհոյող, Կայենի նման ատում են իրենց եղբայրներին, Բաղաամի նման փողի համար պատրաստ են ծռել Աստծո սկզբունքները եւ Կորխի նման հակառակություններ են գործում հանուն դիրքի ու անունի:
Այս ամենն անելով հանդերձ, այս մարդիկ կարծում են, թե Աստված իրենց ներելու է Իր մեծ շնորհքի պատճառով:
Նրանք Աստծո շնորհքի սուրբ գաղափարը վերածել են անառակության: Սա ավելի մեծ մեղք է, քան թվարկված բոլոր մեղքերը միասին վերցրած: Աստվածաշունչը մեզ սովորեցնում է, որ մարդը ոչ
միայն խոսքերով է ուրանում Աստծուն, այլեւ գործերով:
Ահա, այսպիսի մարդիկ կան եկեղեցում, որոնցից մենք հնարավորինս պետք է զգուշանանք, որոնք աստվածապաշտության կերպարանքն ունեն, սակայն իրենց գործերով ուրանում են Աստծուն: Նրանք շնչավոր են եւ, որքան էլ փորձեն կեղծել ու նմանակել, չունեն Աստծո Սուրբ Հոգին:
Իսկ մենք՝ հավատացյալներս, որ ոչ թե արդարացնում ենք մեր մեղքերը, այլ խոստովանում ու պատերազմում մեղքի դեմ, ունենք Սուրբ Հոգին եւ պետք է զգուշանանք Աստծուն ոււրացողների մեղքի վարակ պարունակող թթխմորից:
Տեր Հիսուսի անունով սրբության փափագ եւ աստվածավախության գործեր եմ խնդրում այս գրառումը ընթերցողների կյանքում:
Եղեք օրհնված:
Արման Մանուկյան
Սիրով Ձեզ հետ կիսվում եմ «Հավատք, որ փրկում է, հավատք, որ կործանում է» վերնագիրը կրող այս պատգամով՝ https://youtu.be/iniz8CI-xB4 Եթե ունեք աղոթքի ու բժշկության կարիք, գրեք մեր էջին անձնական նամակով։ Մենք սիրով կաղոթենք Ձեզ համար։
Присоединяйтесь к ОК, чтобы подписаться на группу и комментировать публикации.
Комментарии 13
եմ