Предыдущая публикация
ХАЕТ КУВОНЧЛАРИ ВА ТАШВИШЛАРИ
БИР ОЖИЗАНИНГ ФОЖИАЛИ КИСМАТИ
ехуд кора булут ортидан йилтиллаган нур
Атрофда яшариш, покланиш... одамларни хам кайфияти узгача. Кишлокда хает дошкозони кайнай бошлади. Бахорги юмушлар, ободончилик ишлари авжида... ахир хадемай Наврузи олам кириб келади дилларга шодлик улашиб... лекин ун ешли Давлатжонни етаклаб кетаетган Фарогатнинг кунглига чирок екса еришмайди. Кузларидан окаетган аччик ешлари юзларини юваяпти... унга хозир на бахор фаслининг таровати, на Наврузнинг кизиги бор. У кишлокнинг узун кучасида холсиз кадам ташлаб, турли уй хаеллар гирдобида ота уйи томон бормокда. Ешига нисбатан тез улгайиб колган Давлат хам онасининг дардини билгани учун огзига мум солиб олгандай суз котмай кетяпти...
Фарогат... рахматли бувижониси набирамни хаети фарогатли утсин деб шу исмни куйди. Хозир уйлаб караса... жувонни куз олдидан утган хаети кино тасмасидай ута бошлади...
Фарогат оилада уч нафар кизнинг кенжаси. Онаси Фотима опа тикувчи, отаси Мардон ака махалланинг кассоби. Жуда каттиккул ва жиддий одам. Онаси Фарогатдан кейин икки марта угил туккан. Лекин икковиям тугилиши биланок нобуд булган. Шунинг учунми отаси доимо онасини камситади, " угилларимни асраб кололмадинг, энди меросхурим йук" деб онаси билан куп жанжаллашади. Калтаклаган вактлари хам куп булган. Кизларига мехри йук. Худди угилларининг нобуд булишида шу кизлари айбдордай, доимо ковогини уйиб юради. Опалари турмуш куриб, бу гавголардан кутулишди. Фарогатни эса хадеганда бахти очилавермади. У жудаям мехнаткаш, ота-онасини гапини икки килмаган оддий кишлок кизи эди. Битта айби бор эди, кизгина сал оксокланиб юрарди. Айтишларича, Фарогат болалигида каттик йикилган, лекин ота-онаси шифокорга олиб бормай, табибга каратишган. Шу -шу айбли булиб колди. Хамма синфдош кизлари кетма-кет турмушга чикишди... Фарогат эса хали хануз ота уйида бахтини кутиб утирарди. Онасидан тикувчилик сирларини урганди, "Фарогат тикувчи" деб кишлокда ном чикарди.
Бир куни кушни кишлокдан совчи келди. Киз ва йигитни учраштиришди. Йигитни исми Дилшод булиб, у хам оксокланиб юраркан... " кисматдош эканмиз" кунглидан утказди Фарогат ва икки ешнинг одмигина туйи хам булиб утди.
Орадан бир неча ой утгач, Фарогат хакикий бахт нималигини хис кила бошлади. Дилшод жуда мехнаткаш, оилапарвар ва мехрибон йигит эди. У Фарогатни яхши курар, " гулим" деб эркаларди. Пиширган таомларини мактаб - мактаб ер, " кулинг дард курмасин, гулим" деб огзидан бол томарди. Дилшод мехнатдан кочмасди. Махаллада туй булса, чойхоначи узи. Ошпазлик хам кулидан келади. Бозорда савдо сотик килиш илмини хам урганиб олган. Уйларни таъмирлаш буйича кули гул уста. Шунинг учун рузгори бут, тинч ва хотиржам. Бир йигит булса шунча булар-да. Фарогат хам рузгор ишларидан ортиб, тикувчилик килар, узига яраша буюртмачилари бор эди. Келин-куев мана шундай бахтли хает кечира бошлашди. Хотинининг хомиладорлигини билган Дилшод кувончидан еру кукка сигмасди. Хотинини авайлаб, кунгли нимани тусаса олиб келарди. Огир ишларни килишига рухсат бермас, узини авайлашини тайинларди. Дилшодни онаси Хайрия опа икки ешни бахтидан шодланар, тинмай дуо киларди. "Рахматли дадасининг худди узгинаси-я" деб кузлари ешланарди. Акаси Дилмурод эса Дилшодни умуман акси эди. Укасининг хотинпарварлиги унга екмасди. Ичиб олган куни хатто уларни масхара киларди.
- Хотин битта сенда борми, ука? Бунча гирдикапалак буласан? Бунча латта булма, эркак бул, эркак! Бошингга чикиб, енгок чакмасин оксок хотининг. Тугилажак болаларинг хам чулок тугилсая хали? Ота чулок, она чулок, боласи нима буларди? - Дилмурод ках-ках отиб кулди. - Бизни хотинни кара. Гах десам кулимга кунади. Соямдан куркади. Эр дегани шунака булиши керак. Камчисидан кон томиши керак...
Хайрия опа Дилмуродга танбех берди.
- Икки пиела арокни ичсанг, шер буласан-а, боласи тушмагур. На онани танийди, на укани танийди. Тугишганига таънаю маломат килади. Мени хакорат килади. Ичмасанг булмайдими шу арок улгурни? Ичиб олганинг бир тараф, кунгилларни огритганинг бир тараф. Аллох инсоф берсин-а...
- Э, ойи. Ичсам уз пулимга ичаман, - онасига удагайлади Дилмурод. - Тугри-да, чулокни чулок дейди, курни кур дейди. Бу углингиз топганини хотинига едирмай, пул йигиб ховли жой килсин. Бу ховли меники...
- Э, куп валдирама. Ховлида уканг колади, сен чикасан ховли килиб. Арокни кам ичиб, гамингни е. Укангни бахтини куролмайсан-а, канака одамсан? - куйиб пишиб гапирди онаизор.
Дилмуроднинг бунака " томоша" ларига Дилшод куникиб кетган. Фарогат эса унинг " чулок" деган гапидан каттик огринди. Тугилмаган боласиниям хакоратлади-я. Арок - шайтонни суви деганлари рост экан. Хушерлигида бунчаликмас, ичса аклини йукотади...
Ой-куни етиб Фарогат полвондай угилчани дунега келтирди. Лекин тугиш жараени жуда кийин кечди. Кон куп кетганлиги сабабли шифокорлар унинг бачадонини олиб ташлашга мажбур булишди. Бундан Фарогат анча рухий тушкунликка тушди. " Нахотки энди бошка фарзанд курмасам? Нахотки умримиз битта бола билан утса?" деб эрига йиглади. Дилшод хотинига таскин берди. " Ношукурлик килма. Аллох ширингина угил берди. Баъзи одамлар тирнокка зор. Хали Давлатжоним шунака йигит булсин-ки"...
Дилшодни башорати тугри чикди. Давлатжон жуда аклли бола булиб усди. Мактабда аъло бахоларда укир, китоб укиш жону дили эди. Дастерлигини айтмайсизми? Гапга чечанлиги-чи?
- Бу болани тугрукхонада алмаштириб олмаганмисизлар ишкилиб? Нахотки овсар ота-онадан шунака доно фарзанд тугилса? Ун ешга кирмай тогни талкон киламан, дейди-я, - туйдан ичиб келган Дилмурод яна дилларни хуфтон килди. Унга хеч ким бас келолмас, Аллохдан инсоф сурашарди, холос. Яхшиям Дилшод огир- вазмин йигит. Булмаса хар куни бу андишасиз акаси билан екалашиб, элга шарманда булишарди.
Эрталаб ишга жунаетган Дилшод хотинининг кулига пул тутказди.
- Эртага углимизни тугилган куни. Давлатжонни олиб бозорга тушинглар, дукон айланинглар. Углимизга чиройли костюм шим, чопон, дуппи ва белбог олиб бергин. Куевдай ясантириб кел, онаси. Эртага чиройли дастурхон тузамиз. Тугилган кунини утказамиз. Бир хурсанд булсин углимиз. Мен хам бугун ишимни тугатиб, иш хакимни оламан. Бозорга узим чикмокчи эдим, наилож ишга боришим керак, - Дилшод шундай деб хотинига мехр билан каради.
- Майли, дадаси, айтганингиздай киламан. Лекин тун ва белбогни кейин хам олсак булар. Унча зарурмасу, - деди Фарогат бундан зарур ишларимиз бор деган маънода.
- Кизикмисан, онаси? Узбек углонининг уйида хамиша дуппи, тун ва белбоги булиши шарт! Тугилган кунида кийиб, бир кузларни кувонтирсин...
Дилшод углини багрига босиб, пешонасидан упиб ишга шошиб кетди. Хайрия опа хонасидан чикиб келинига " Дилшод нега мен билан хайрлашмай кетди. Дуо олмасдан кетмасди-ю?"
- Кечиринг, ойижон, кеч коляпман деб шошиб чикиб кетдилар. Менам эслатмабман-а...
- Ха, майли, Аллох панохида асрасин, - онахон бир чеккага утириб углини дуо килди...
Тушдан кейин Фарогат угли билан шахардан кулларида тула пакетлар билан кайтишди. Давлат янги костюм шимини, тунини кийиб, бувисининг олдига чопди. Дуппини бошига кийиб, белига белбогини боглаб, турли мукомлар кила бошлади.
- Хуш, калай, бувижон?
- Узимни куевтурамдан айланай. Буйларингга садка булай. Бирам ярашибди-ей... кузимни узолмаяпман, - Хайрия ая набирасини багрига босиб, пешонасидан упди. - Кечкурун даданг келсин, биргалашиб расмга тушамиз. Айтгандай, амакингни углида фотоаппарат бор. Бориб айт, бизни суратга тушиирсин, бувим айтдилар дегин.
Дилмуродни угли Максуджон фотоаппарати билан келиб хаммани бирма бир суратга туширди. Хайрия ая бир енида келини Фарогат, иккинчи томонида бахтиерликдан кузлари кулиб турган набираси Давлат билан суратга тушди.
- Кечкурун дадажоним билан суратга тушамиз-а? - деди Давлатжон. - Эртага тугилган кунимга уртокларимни хам таклиф килсам майлими, бувижон?
- Албатта, болажоним, албатта. Ойинг катта торт пиширадилар. Паловни узим дамлайман. Дадажонинг шашлик киламиз деяетганди...
- Ура-ааааа....
Шу пайт куча дарвозаси такиллади.
Давлатжон " лаббай" деб югуриб чикди. Остонада дадасининг шогирди Икром турарди. Унинг юзи ташвишли, кузлари ешли эди...
- Келинг, Икром амаки, ассаламу алейкум.
- Ваалайкум ассалам... уйда ким бор? Ойингни чакир...
Фарогат Икром билан саломлашиб, "акангиз хали ишдан келмабдилар, тинчликми?" деди.
Икром талмовсираб колди. Сира тили калимага келмасди...
- Янга, Дилшод акамни касалхонага олиб кетишди.
- Нимага? Нима булди дадамизга?
- Ишимизни тугатиб куча чети буйлаб пиеда келаетгандик. Кутилмаганда оркамиздан машина чийиллаб келди. Хамма турт томонга кочди. Лекин барибир машина эрингиз ва шеригимиз Ахмадни уриб кетди. Машина рулида Ботир заргарнинг угли маст холда утирган экан. Яна бир аелни хам боласи билан босиб кетди. Агар бориб дарахтга урилмаганида ким билади яна неча кишини майиб киларди, аблах. Узиям огир ахволда дейишяпти...
Кишлокда руй берган бу автохалокат уч кишининг умрига зомин булди. Уч ешли болакайни бир умрга майиб-мажрух килиб, тушакка михлаб куйди. Маст холатда уйидан дадасининг машинасини хайдаб чиккан 20 ешли бойвачча эса икки оегидан айрилиб, ногирон булди.
- Качон карасанг бу бола маст маст юради. Утган йили бир йигитни уриб юборган эди машинасида. Отаси катта пул эвазига углини камокдан олиб колувди, жабрланувчини хам пул билан огзини епувди.
- Мана яна шунча одам жабр курди... ушанда камалганида уч кишининг хаетига бугун нукта куйилмасмиди? Битта арокхурнинг касофати нечта оилага фожиа олиб келди....
Бутун кишлок ахли бу автохалоеатеи мухокама қиларди.
(ИККИНЧИ КИСМ.)
Ассаламу алейкум хурматли мухлислар. Мана, кеча ваъдалашганимдек, айтилган вактда хикоянинг иккинчи кисмини эътиборингизга хавола этяпман. Бу хикоя менинг ижодий фантазиям эмас, эрмак учун уйлаб топган ижодим махсули эмас. Балки бизу сизнинг орамизда яшаб юрган бир оддий аелнинг дардли мактуби асосида езилган хаетий хикоядир. Бу хикояни укиетиб муштипар аелнинг огир кисматини куз олдингизга келтиринг. Хаетнинг ок ва кора томонларига эътибор билан каранг. Мулохаза ва мушохада килинг. Хикоянинг кайси кахрамони каерда кандай хато килди? Шулар хакида уйланг ва хаетий фикрлар езинг. Чиройли ва маъноли бахс уюштиринг. Токи, хар бир езаетган сатримиз кимнингдир юрагига етиб борсин, кимнидир арок деган касофатдан кайтарсин, кимнидир хаетга булган салбий фикрини узгартирсин... булар булмас гапларни езиб узингизнинг " чиройли одобингиз" ни жамоа олдида намойиш этманг. Ахир биз ижодкорлар сиз мухлислар учун ижод киламиз ва сизлардан факат "офарин, рахмат" эмас, балки бизга янги илхом бахш этувчи теша тегмаган ранг-баранг фикрлар эшитишни хохлаймиз. Шундай эмасми азиз одамлар?
(Биринчи кисмнинг кискача мазмуни: Фарогат ва Дилшоджон бахтли хает кечиришар, угиллари Давлатжон уларнинг жону жахони эди. Унинг тугилган кунини утказиш учун эр-хотин тайергарлик куришади. Кутилмаганда Дилшоджон ишдан кайтаетганида автохалокатга учрайди. Яккаю ягона угил Давлатжоннинг тугилган куни нишонланмай колади. Чунки... мархамат хикоянинг давомини укинг.)
Автохалокатга учраган Дилшод шифохонага етмай жон берди. Бугун унинг ховлисида аза очилди. Ун гулидан бир гули очилмаган, уттиз беш бахорни каршилашга хам улгурмаган, орзулари бир олам йигитни бугун сунгги манзилга кузатишяпти. Муштипар онанинг ахволини таърифлашга калам ожизлик килади...
- Жоним болам, мехнат килиб рохатини курмай кетган болажоним... кузларингни оч, ахир кеча углингни тугилган куни эди... уни хурсанд килмокчи эдинг-ку... нега уни ташлаб кетяпсан. Унга рахминг келмаяптими болам? Сен олиб берган тун ва белбогни, дуппини кийиб " дадажон"лаб турибди-ку... бу янги кийимларини уртоклари олдида кийса булмасмиди, юрагим бу айриликка дош беролмайди болам...
Онаизорни оху фареди оламни тутар, она фарзанд догида куйиб, дардларини айтиб йиглар, юракларни тигларди...
Давлатжон... мана айвонда куйилган тобут олдида мунгайиб, тинимсиз йиглайди.
- Дадажон, мени ташлаб кетманг, жон дадажон. Сизни жудаям яхши кураман, кетманг дадажон...
Майитни олиб чикишаетганда Давлатжон " дадамни олиб кетманглар" деб бакириб, хушидан кетди. Фарогат углига епишди. Рангу руйи докадай окарган боланинг юзига совук сув сепишди. Кушни хамшира аел унга тинчлантирувчи укол килди... Фарогатни йиглашга хам холи колмади. У углининг пешонаси, юзини силаб бир нуктага тикилиб колди...
- Энди дадангсиз кандай яшаймиз, углим? Бу кунлар хам бормиди бошимга? - лаблари пичирларди аелни...
Фарзанд доги Хайрия аяни адойи тамом килди. У бир неча бор юрак хуружига учраб, охири рихлатга юз тутди. " Углим, сенсиз яшолмайман, бундан кура улганим яхши" деб хар куни кон-кон йиглаб, узини тамом килган онаизорни углининг кабри енига кумишди.
Бошига устма - уст тушган зарбалар Фарогатни бироз гангитиб куйди. Онаси ва укасини улимидан кейин хам акли кирмаган кайнакаси Дилмуроднинг захарли сузлари эса дард устига чипкон буларди. У ичиб олиб, " качон кетасан бу ховлидан, йукол уйимдан" деб Фарогатни куракда турмайдиган сузлар билан хакоратларди. Хатто бир куни тап тортмай " менга иккинчи хотин булсанг, шу ховлида коласан. Тинчгина яшайсан. Оксок булсанг хам чиройли аелсан" деди хиринглаб.
Фарогат энди бу уйда кололмаслигини чин дилдан хис килди. На кайнонаси, на эри... ким учун яшайди бу ховлида? Кайнакасини ахволи бу булса. Овсини яхши аел, лекин эрининг соясидан куркади. Бир марта тарафини олгани учун эридан роса калтак еди. Шунинг учун эри ичиб келиб, Фарогат ва унинг углини хакорат килсаям орага кушилмайди, хонасидан чикмайди. Бугун икки овсин хайрлашишди.
- Овсинжон, мени кечиринг. Факат бизларни каргаманг. Кайнакангиз хеч кимни гапига кирмайдилар. Ичкилик жинни килиб куйган бу одамни. Лекин болаларим учун хаммасига чидаб юрибман...бу ховлида сизни хаккингиз борлигини биламан. Истасангиз судга боринг. Углингизни хакини талаб килинг.
- Керакмас, овсинжон. Дадамни уйларида яшаймиз. Яхши колинг... уларга хам карайдиган одам керак...
Фарогат хаеллар уммонида гарк булиб, отасининг уйига етиб келганини хам сезмай колди. Ота - онасига бор гапни айтиб бериб, " агар рухсат берсаларингиз сизларнинг уйингизда коламиз, хизматларингизни киламиз" деди Фарогат. Онаси набирасини багрига босиб, пешонасидан упди. Ота индамай хонадан чикиб кетди.
- Отангни феълини биласан, эътибор берма. Сукут - ризолик аломати, - деди она кизининг кунглини кутариб. - Куевим рахматли жуда яхши инсон эди. Наилож, умри шунча экан. Бахтларингни куриб суюнган эдим... тикувчилигингни килиб, рузгорингни тебратавер кизим. Биз хам караб турмаймиз, ердам берамиз. Углинг хадемай катта булиб, канотингга киради...
Орадан олти ойдан зиед вакт утди. Фарогатга кушни махалладан, хотини билан ажрашган бир эркакдан совчи келди. Мардон ака хотини Фотима опага " кизинг билан гаплаш, идда муддати утди, яхши яшашни истаса шу эркакка турмушга чиксин. Кули гул уста экан, ховли жойи бор. Качонгача уйимда бева булиб утиради. Яхшилаб тушунтир кизингга, - деди.
- Дадаси, куйинг бир пас дарди арисин. Хозир бу гапни айтсам кунглига огир ботади. Бизга огирлиги тушгани йук. Касби ортидан ризкини топаяпти, - деди онаизор эрига курка-писа.
- Качон сени аклинг киради-я? Айтганимни кил. Эрим улди деб, бир умр йиглаб юрмайди-ку! Хает давом этади. Елгиз аел боши билан фарзанд устириш осонми? Эрга тегиб, узининг уйи, бошида хужайини булса емонми? - отанинг гапи катъий ва изохга хожат йук эди.
Фарогат онасидан бу гапни эшитиб, хунграб йиглади.
- Халитдан огирлигим тушдими? Мен углим билан кетаман ва бир кунимизни курамиз. Лекин эрга тегмайман. Углимнинг бегона эркак кулида хурланишини истамайман. Биттагина углимни вояга етказишга курбим етади. Углим кап-катта бола булган, хамма нарсани тушунади. Мен кайси юз билан турмуш кураман, ойижон? - Фарогат аламли сузлар, кузларидан тинимсиз еш окарди. - Кейин шахд билан урнидан турдию кийим - кечакларини йигиштира бошлади.
- Жон кизим, бундай килма, - она кизининг йулини тусди. - Мени кийнокларга куйма. Хозир чикиб кетсанг, отанг норози булади, каргайди. Ота каргиши ук. Ота рози - Аллох рози. Жон кизим, отангни айтганини кил. Сени чикиб кетишинг мени бошимга гурбат солади. Даданг аламини мендан олади. Онангга рахминг келсин, кизим...
Фарогатни онасига рахми келди. Хонанинг бурчагига утириб олиб, чукур уйга толди. Икки йул уртасида колиб, нима килишини билмай колди. Уйдан чикиб кетса, отасини феълидан куркади, турмушга чикса углининг келажаги уйлантиради...
Фарогат отасининг райъини кайтаролмади. У Зокирга турмушга чикди. Унинг хам 14 ешли угли бор экан, исми Хуршид. Давлатжонни яхши кутиб олди, уз укасидек мехрибонлик курсата бошлади. Бундан Фарогат хурсанд булди. Эри Зокир хам емон одамга ухшамайди. Лекин хар куни ичаркан. Фарогатга бу нарса екмади. Айникса кушни аелнинг бир гапи унинг хаелларини остин-устин килди.
- Вой, айланай. Билиб туриб
узингизни утга
ташлабсиз-да. Зокирнинг турт марта уйланиб
ажрашганини, бир нечта боласи борлигини,
ичкиликка муккасидан кетганини
билмасмидингиз? Бунака эр билан яшагандан
кура эрсиз утишингиз яхши эди. Яна углингиз
бор экан. Бахтингизга Хуршиджон яхши бола,
- деди кушни аел Фарогатга ачиниб.
Вактни оркага кайтариб булмайди. Фарогат такдирига тан бериб, Зокир билан умргузаронлик кила бошлади. Хаммасини вакт курсатади, деганларидек аста-секинлик билан Зокирнинг хакикий афт башараси намоен була бошлади. Арок ичмаган кунлари устачилик килади. Уйда хам тинчлик хукмрон. Чунтагига озгина пул тушдими, тамом. Зокир арокнинг кулига айланади. Бир неча кун тухтовсиз ичади. Огзидан боди кириб, шоди чикади. Бирон гап екмаса, урди Худо. Рухий хасталарга ухшаб хар хил киликлар килади, углини еки хотинини сукиб, уради. Томоша курсатади. Бир куни угли Хуршидни" дада, качон ичишни бас киласиз? Эпласангиз ичинг-да, бу нима ахвол? Рангу руйингизга караб булмайди" дегани учун роса калтаклади. Фарогат эрининг важохатидан жуда куркди. Уз углини шунча калтаклаган одамдан нимани кутса булади? деб юраги оркасига тортди.
- Нахотки пешонам шунча шур булса? Нахотки эркак зоти шунчалик курс ва мехрсиз булса? - уйларди Фарогат. - Уйимизда уз дадамдан рушнолик курмадим. Тугри, уйимизда рузгоримиз бут эди. Лекин отам тирик булса-да, ота мехрини туймадим. Хотирамда колгани " углим йук, тобуткашим йук" деб отам доимо онам билан жанжал киларди. Биз кизларига евкараш киларди. Эрим вафот этгач хам отам уйига сигдирмади, туртта хотини кетиб колган, арок ичса дунени танимайдиган бир арокхур эркакка мажбуран турмушга берди. Рахматли Дилшод акам кандай ажойиб, мехнаткаш, хокисор, болажон эдилар. Бу инсон эса тамоман узга олам. Арок булса булди? Кайнакам Дилмуродга ухшаб кетаркан эримни хурмача киликлари... ичса кузи конга тулади, вахшийлашади. Бир гапириб балога коласан, калтакланасан... бу инсон билан кандай яшайман? Яна у куни " углинг Давлатни онангга ташлаб кел, мен етим бола бокмайман, отангни пули куп, боксин набирасини" деди. Углимга кулини теккизса, хеч уйламай бу уйдан бош олиб кетаман.
Ичкари хонада буюртмачиларнинг кийимларини тикиб утирган Фарогат бакир-чакирни эшитиб, ташкарига отилди. Ошхонага кириб, кузлари шокосасидан чикай деди. Эри Зокир угли Давлатжонни бурчакка куйиб, кулидаги тасма билан аевсиз урарди.
- Нега молларни тагини тозаламадинг? Мен айтган ишни килмай китоб укиб утирибсанми, етимча? Текинхур, чулокни угли...
Фарогат жон холатда эрининг кулига епишди.
- Урманг боламни. Нега хакоратлайсиз бир бурда болани? Молни тагини тозалаш эсидан чикиб колгандир, шунга шунча жанжал кутарасизми, шу даражада урасизми бола бечорани? - Фарогат углининг енини олиб узи хам калтаклар остида колди.
- Хали сен менга укталиб келдингми? Углингни деб менга куполлик киляпсанми? - деб Зокир Фарогатни юзига шапалок тортиб юборди. Сочидан ушлаб ховли уртасига судраб чикди. Хумордан чиккунча урди, оеклари билан дуч келган жойига тепди. Давлатжон ва Хуршид "ойимни урманг", " " дада, илтимос, булди килинг, улдириб куясиз- ку", деб бакиришарди. Гала говурни эшитиб кушнилар ердамга келишганида Фарогатни огзи бурни кон, зурга нафас оларди. Бир кушни эркак Зокирни гирибонидан олди.
- Увв, эшак! Кучинг факат аел киши ва норасида гудакларга етадими сени? Бир пиела ичсанг шер буласан-а, ифлос. Туртта хотинни уриб, майиб килишингга оз колди. Улар кочиб кетиб кутулишди. Энди бу ожизага азоб берасанми? Кулларингни синдириб ташлайми сен маразни? Яна урсанг сени узим каматаман бу зуравонлигинг учун, - деди муштларини тугиб.
Кузлари кукариб, лаби шишиб кетган Фарогат баданидаги огриклардан хам инграб куярди. Бир бурда нони - тикувчилигини хам бироз вакт йигиштириб куйишга мажбур булди. Давлатжон онасининг кулларини силаб йигларди.
- Ойижон, юринг кетайлик бу уйдан. Мен узим ишлаб, сизни бокаман. Зокир амаки жуда емон одам экан. Мен жуда куркяпман. Дадажоним кандай яхши эдилар. Бувамни уйига бормаймиз. Бошка жойдан уй топамиз. Иккимиз тинчгина яшаймиз. Мен сизни хеч кимга хафа килдириб куймайман.
Фарогат ешгина боласининг катталардек сузлашидан, гамхурлигидан эриб, яна йиглашга тушди.
- Узимнинг ягонам, мехрибоним...кетамиз углим, бир кунимизни курармиз...дунеда яхшилар хам бор-ку!
Фарогат эрининг хурмача киликлари, зуравонлиги хакида онаси ва опаларига айтишга мажбур булди. " Шу тарика давом этса, ажрашаман, уйимиздаги нотинчлик Давлатжоннинг укишига салбий таъсир киляпти. Хатто уйкуларида " дадажон" деб алахсираб чикадиган булган. Демак, бизни турмушимиздан рахматли Дилшод акамни рухлари нотинч. Эрим углимга бир неча бор кул кутарди. Мен бунга чидолмайман", деди йиглаб.
- Энди еш киз эмассан. Уз хаетингни узинг хал килишга хаклисан, - дейишди опалари. - Чунки ичкилик боткогига ботган одамдан яхшилик кутиб булмайди. Онаси эса хар галгидек " сабр кил, кизим, сабрни таги олтин, ажрашиб каекка кетасан, бошпананг булмаса, отангни характерини биласан. Инсоф сураймиз эрингга", деб куя колди. Онанинг кизига рахми келса-да, кулидан хеч нарса келмасди.
Бугун тушликда Фарогат палов дамлади. Эри бугун хушер, ичмаган. Кайфияти хам бошкача. Угилларига мехрибонлик курсатяпти. Хатто Давлатжонни багрига босиб, " мени олим углим" деди. Бахтли оила каби ширин сухбат куришди. Фарогат " нахотки эримга инсоф кирган булса?" деб хайрон. Хуршиджон ва Давлатжон туриб кетишгач, эр-хотин елгиз колишди.
- Биламан, мендан хафасан, хотин, - деди Зокир айбдорона бош эгиб. - Шу арок улгурни ичмайман дейман, яна шайтон йулдан уради. Ичсам узимни билмай коламан, карияпман шекилли. Мабодо углингни олиб, чикиб кетмагин, хуп. Энди у егига тинч яшаймиз. Мен ичмайман. Ишлайман. Угилларимизни укитамиз.Яхши инсонлар килиб вояга етказамиз.Сен факат кетиб колма...
Аел киши ширин суз гадоси эмасми? Эрининг бу гапларидан Фарогат анча енгил тортди. Кунглининг губорлари таркагандай булди. Аллохга шукурлар килиб, " эримга инсоф киргани рост булсин" деди.
Мана икки хафтадирки, Зокир арокни огзига олгани йук. Хар куни эрталаб ишга бориб, кечкурун кайтади. Уйга файз киргандай булди. Афсуски, бу кувонч узокка чузилмади. Ишлаган жойидан маошини олган Зокир бугун кечкурун яна ичиб келди. Яна туполон, яна кунгилхиралик...
- Бекорга бу одамни туртта хотини чикиб кетмаган экан. Ичиб келиб, жимгина етсаям майли эди. Шердай букиради, угилларини ховли буйлаб кувлайди, кулига тушган нарсани синдиради. Бу девона одам билан кандай яшаш мумкин? Эй, Худойим, мен нима килай, менга тугри йул курсат, - Фарогат мижжа кокмай тонг оттирди. Уй-хаелларининг поени йук эди.
Зокир Хуршид ва Давлатни олиб, шахарга тушди. Хотинига " келгунимизча бизга манти тугиб куй, биз бир шахарни айланиб келайлик" деди. Фарогат уларни кузатиб, уй ишларига шунгиб кетди. Мантиларни тугиб, иссик нонларни пишириб дастурхон тузаб куйди. Мана улар келишди. Лекин угли Давлатжон куринмади.
- Давлат кани? - Фарогат кузларини йулга тикиб суради.
- Давлатни шахарда йукотиб куйдик, - деди Зокир кузларини хотинидан яшириб.
- Кандай йукотиб куйдиларингиз? У игнамиди йукотасизлар? Каерда колди у? Яна ташлаб келдиларингми? Ахир у шахарни билмайди-ку! Нима килдиларингиз углимни? - Фарогат йиглай бошлади. Хуршиддан нажот истади. Лекин Хуршид жимгина хонасига кириб кетди.
- Мен хозирок бориб, милицияга хабар бераман! Углимни ахволи нима булди? Кандай тошюраксиз, кандай ташлаб келасиз еш болани шахарга? - она оеги куйган товукдек типирчилаб колди. Кийиниб, кучага чикди. Зокир унинг йулини тусди.
- Шошма, бир-икки соат кутайлик. Балки келиб колар. Бекорга вахима кутариб нима киласан? Бозорни айланиб юриб, йукотиб куйдим уни. Курасан, хозир йулни топиб келади узи, - Зокир бир илож килиб, хотинини уйга олиб келди.
( СУНГГИ УЧИНЧИ КИСМ)
Оддий кишлок кизи Фарогат Дилшод деган йигитга турмушга чикади. Улар угил фарзанд куришади. Лекин Фарогат огир тугрук жараенини бошидан утказиб, бошка она булмаслиги маълум булади. Эр-хотин Давлатжонни кузимизни нури, бахту камолимиз деб еру кукка ишонмай катта килишади. Дилшоджон мехрибон ота, вафодор, оилапарвар эр эди. Лекин оила бошига мусибат тушади. Дилшод автохалокатда халок булади. Онаси хам фарзанд догига чидолмай бу дунени тарк этади. Кайнакасининг номардлиги туфайли Фарогат углини олиб, отаси уйига кайтади. Отасининг кистови билан Зокирга турмушга чикади. Лекин хаети захар-,заккумга тулади. Зокир Давлатни ектирмайди. Ичиб келиб хаммани кон какшатади. Кутилмаганда Давлатжон йуколиб колади... мархамат, хикоянинг давомини укинг азиз мухлис.
Мана уч кундирки, Фарогатнинг халовати йук. Кузидан ёш тинмайди.Уч кундирки эри Зокир билан шахарга боради, углининг суратини утган-кетганга курсатиб. "мабодо шу болани курмадингизми?" деб сурашади. Бозору дуконларни айланишди. Лекин топишолмади. Ун икки ёшли болакай сувга тушган тошдек йуколди-колди.Фарогатнинг холу мадори колмади. Узини куйишга жой тополмай колди. Йиглаган куйи эри билан уйларига келишди.
- Зокир ака, уч кунни бехуда утказдик. Бунакада углимдан бир умрга айрилиб коламан. Узимиз тополмаймиз. Шахар катта жой булса. Мен ота-онамга, кариндошларга хабар бераман. Милицияга ариза киламиз. Купчилик булиб тезда топишимиз керак болажонимни. У каерда, кай ахволда экан? Нима еди, нима куйди? Кимларнинг кулида? Каерда тунакан экан шунча кун? - Фарогат юрагини гижимлаб, кон йиглаб гапирарди.- Аллохим, углимни панохида асра. Бу дунёда энг азиз инсоним у. Унга бирон кори хол булса мен чидолмайман. Дунёларга ут куяман. Менга рахминг келсин, Аллохим.
- Э, бунча дийдиё киласан? - бамайлихотир гапирди Зокир. - Топилади уша боланг. Милицияга хабар бериб, оламга жар солиш шарт эмас. Узи топилиб келади. Мана, хамкишлогимиз Собит аканинг ун турт ёшли угли хам бир пайтлар аразлаб уйидан чикиб кетувди. Милиция хам тополмади. Икки ойдан кейин узи кириб келди. Хозир милицияга бир-икки сум бермасанг, болангни топиб бермайди. Шунинг учун аюханнос солиб утирма.Давлатниям узи кириб келади, мени айтди дерсан. Йиги-сигини йигиштир-да, туриб овкат кил. Корин очкаб кетди.
- Хаммасига сиз айбдорсиз. Бир муштгина болага кун курсатмадингиз. Урдингиз, сукдингиз, юрагини олдингиз. У бунака тошбагирликни курмаган, шунга чидолмай кочиб кетган фурсатдан фойдаланиб. Менга неча марта "ойи, бу ердан кетайлик" деб ялиниб, йиглаганди. Ушанда чикиб кетсам буларкан... болажоним, каерлардасан? - Фарогат йиглай-йиглай ошхонага кирди.
- Кочиб кетган булса узи айбдор, - бакирди Зокир. - Корни очкаб, нонга зор булиб бошини эгиб келади, хали. Мен уни хайдаганим йук, узи кетди. Милицияга хам, умуман хеч кимга хабар бермайсан. Узимиз кидирамиз.
- Йу-у-ук!!! -жон холатда бакирди Фарогат. - Углим сизга керак булмаса, узимга керак. Узим биламан нима килишни. Эртага эрталаб туман ички ишлар булимига бораман. Ёрдам сурайман.
- Милицияга борсанг, талок киламан. Шарманда килиб уйимдан хайдаб чикараман.Кейин курамиз холингни. Даданг уйига сигдирмайди. Юрасан кучада гадой булиб. Сен чулокни хотин килиб юрганимга жон демайсанми? Эридан суроксиз куча хатлаган аёл лаънатларга дучор булади. Эрини норози килган аёл дузахи булади. Гап кайтарма, тилингни узиб оламан! - Зокир ошга уннаётган хотинига укталиб келди.
- Менга якинлашманг! - кулидаги пичогини эрига курсатди Фарогат. - Хозир жонимдан туйиб турибман. Бир нарса килиб куйишим мумкин. Мингта талок киласизми, дузах утида куяманми, менга энди барибир. Мен углимни кидириб топаман.
Хотинини бирон марта бу ахволда курмаган Зокир хайратда котиб колди.
- Сен жинни булибсан. Аклдан озибсан. Афту ангорингга кара, кип-кизил жиннисан. Сени даволаш керак.Майли, тинчланиб ол, кейин гаплашаман сен билан. Балки углингнинг топилиши учун киттак-киттак отармиз - Зокир масхараомуз иршайиб, ошхонадан чикди.
Фарогат юм-юм йиглаб, овкатга уннади. Шу пайт Хуршид кириб келди. У жуда гамгин, ниманидир яшираётгани кузларидан билиниб турарди.
- Опа, - деди у паст овозда. - Дадам сизни алдаяптилар. Ишонманг у кишига. Давлатжонни кимгадир бериб юбордилар. Мен курдим уни бир эркак етаклаб кетганини... ортига караб йиглаб-йиглаб кетди. Сиз бу уйдан тез кетинг. Дадамни жахли ёмон. Сизга азоб берадилар. Ойим хам кочиб кетганлар, каердаликларини билганимда мен хам кетардим. Борадиган жойим йук. Шунга чидаб юрибман...
Хуршиднинг колган гапи огзида колди. Дадаси келиб колиб, уни рахмсизларча ура бошлади.
- Хали отангни сотдингми? Тузимни еб, тузлугимга тупуряпсанми, хайвон? Бу аёл сенга бегона. Мен сени отангман. Сен мени пушти камаримдан булгансан. Улдираман, сени, - Зокир углини оёклари билан тепа бошлади. Кутилмаганда оркасига урилган зарбадан бакириб юборди. Огрикдан кузлари ола-кула булиб, ортига каради. Хотини Фарогат пичок билан турарди. Аёлнинг кузлари конга тулган чукур-чукур нафас оларди.
_ Ифлос! Мараз! Номард! Сени узим улдираман. Углим кани? Уни кимга бериб юбординг? Бегунох боламни не куйларга солдинг? Кани, болам, гапир! - аклу хушини йукотиб куйган Фарогат эрининг куксига пичок урди. Бу зарбага чидолмай Зокир "гурс" этиб ерга йикилди. Фарогат "болам кани, болам кани?" деб бакирганича Зокирнинг корнига пичокни санчаверди, санчаверди...
Хуршид кучага отилиб, одамларни ёрдамга чакирди. Бир пасда куни-кушнилар йигилишди. Содир этилган вокеадан хамма дахшатга тушди. Милицияга, тез ёрдамга зудлик билан хабар берилди. Бу пайтда Зокир аллакачон жон таслим килган, куллари конга беланган Фарогат эса узича гапирарди, котиб колган кузлари куркинчли эди...
- Мен уни улдирдим.Улдирдим... мени углимдан айирди. У жуда ёмон одам... вахший одам... онани боладан айирган мараз одам бу... Давлатжоооон... кайлардан излай сени, жооон болам...
Сочлари тузгиган, афтодахол аёлнинг кулларига темир кишан солинди. Одамлар улдирилган Зокирга ачинишмади. Фарогатга рахмлари келиб, кузларига ёш келди.
- Бечора аёл, энди умрини камокда утказади. Ундан кура бу уйдан кетса яхши эди-я...
- Хуши жойидамас... аввал рухий касалхонага ёткизиб, даволашса керак. Ох, муштипар аёл-а...
- Углига нима булган экан? Каерда экан угли?
- Энди милиция, терговчилар хаммасига аниклик киритади-да...
Одамлар хар хил фирлар айтишар, афсус ила бош чайкашарди.
Дархакикат, Фарогат каттик рухий
тушкунликка тушиб. аклдан озганди.Уни
рухий касалликлар шифохонасига ёткизишди.
Тергов ишлари бошланиб кетган, куни-
кушнилар, кариндошлар сурок килинаётган
эди. Хамма мархум Зокирни айблар,
Фарогатни оклашларини
сурашарди.Фарогатнинг отаси касалхонага
келиб, кизининг оёгига йикилди.
- Жон кизим, мен тошбагир отангни кечир.
Билиб туриб сени утга ташладим. Менинг
ношукурлигим бошимизга етди. Уйимда олиб
утирганимда бу куйга тушмасдинг, кизим.
Мени кечир...
- Отажон, мен хеч кимни айбламайман. Узи шунака шурпешона киз эканман. Такдирим, кисматим аччик экан. Наилож, бошга тушганни куз куради. Сизлардан битта утинчим, углим Давлатжонни кидириб топинглар. Хуршиддан суранглар, у билади нима булганини. Углимни топилгани хакидаги хабарни эшитишим билан хаммасини унутаман. Лекин уни камокхонага олиб келманглар. Мени бу ахволда куришини истамайман.
- Хавотир олма. Хамма оекка турган. Давлатжон тез кунларда топилади, - деди онаси куз ешларини артиб. - Сен узингни эхтиет кил.
Фарогат рухий касалликлар шифохонасида бир неча ой даволанди. Унга "соглом" деб ташхис куйишгач, камокхонага утказилди. Тергов ишлари якунлангач, иш судга оширилди. Фарогат судда кургазма бераркан, айбига тула икрорлик билдирди.
- Мен мархум эрим Зокирни улдирганимдан хеч хам афсусланмайман. Чунки у улмаганида яна нечта аелнинг хаетини захар заккумга айлантирарди. Уз пуштикамаридан булган фарзандларига мехри йук, арокни хамма нарсадан устун куядиган одамдан нимани кутиш мумкин? Хар кандай жазога тайерман. Факат углим сог саломат топилса булди. Бошка хеч нарса керакмас менга...
Суд бу жиноят ишини, гувохларнинг кургазмаларини, тупланган материалларни хар томонлама синчиклаб урганиб чикиб, Фарогатни 8 йил камок жазосига махкум килди. Куллари кишанланган махбуса аелни суд залидан олиб чикишаетганида онаизор какшаб-какшаб йиглади. Отаси гамга ботиб бир нуктага тикилиб колди. Опалари хам кузларида еш билан Фарогатни кузатиб колишди.
- Менга ихтиер булганида бу ожиза аелни суд залидан оклаб чикардим. Жамиятимизни бир унсурдан тозалагани учун рахмат айтардим, - суд залидан чикаетган бир эркак шундай деб чукур "ух" тортди...
Фарогат камалгач, уч ойдан кейин угли Давлатжон топилди. Она бу хабарни эшитиб, Аллохга шукроналар килди. Кувончи ичига сигмасди. Углини жуда кургиси келаетган булса-да, хиссиетларини жиловлади. Хушхабар олиб келган ота ва онасига каттик тайинлади.
- Нима булганда хам углимни бу ерга олиб келманглар. Бирон бахона уйлаб топинглар. Лекин учрашувга олиб келманглар. Бу темир панжара ортида жигаргушам билан дийдорлашиш менга огир... мен камокдан чиккунча анча улгаяди, хаетнинг пасту баландини тушунади, хакикатни билса хам мени тушунади ва кечиради...
Айтганингдай киламиз, хавотир олма углингдан, лекин эл огзига элак тутиб булмайди. Кимдандир бу гапни эшитади...
- Нима булса пешонамиздан, - Фарогат шундай деб угли хакида суриштираверди.
- Буйи анча усгандир-а? Мени сурадими? Каердан топишибди ойижон?
- Мархум Зокир углингни бошка вилоятлик бир одамга сотган экан. Ота онаси улган, етим деб. У оилани угли булмаган, шунинг учун жон деб асраб олишмокчи булишган. Тегишли хужжатларни тайерлаймиз деганда Давлат уларга онаси борлигини айтган. Ана шундан сунг бу одамлар сени кидира бошлашган. Мархум эринг Зокир уларга уй манзилини нотугри берган. Углинг билганича манзилни тушунтирган. Хуллас, икки тарафлама кидирув натижасида Давлатжон топилди. Бахтимиз бор экан кизим.
Онаси камокдалигини Давлатжондан хар канча яширишмасин у бу гапни куни-кушнидан эшитди. Ойимни олдига олиб боринглар деб, бувиси ва бувасига илтижо килди. Холаларидан илтимос килди. Лекин улар " рухсат беришмаяпти" , " вояга етмаган болаларнинг у екка бориши ман этилган экан" каби хар хил бахоналарни уйлаб топиб, она- бола учрашувини ортга суришарди.
Вакт окар даре... орадан олти йилдан зиед вакт утди. Фарогатни камокхонадан муддатидан олдин озод килишди. Тасодифни карангки, озодликка чиккан куни углининг тугилган кунига тугри келди. У аввал опасининг уйига борди. Ювиниб, тараниб, опаси олиб берган совга " кул телефони" ни олиб, отаси уйига равона булди. Унинг юраги кувончдан хаприкар, лаби "Давлатжон" деб пичирларди.
- Неча йиллар олдин тугилган кунингда отангни сунгги манзилга кузатгандик. Бугун эса мен озодликка чикиб, сени балогат ешингни нишонлашга кетяпман. Хаетнинг сиру синоатлари, синовлари бунча куп булмаса...
Фарогатни ота уйида кариндош-уруглар кутиб олишди. Бир пайт унга коматлари келишган, кошу кузлари коп-кора бир йигит пешвоз кела бошлади.
- Углим, - Фарогатни лаблари пичирлар, кузларидан дув-дув еш тукиларди. - Давлатжоним, жону жахоним, ягонам мени. Шамшоддек буйларингдан айланай. Кел, багримга босай. Хидларингга туяй. Согинчларимни улдирай, кел болам.
- Ойижоним, фариштам менинг, - Давлат онасининг багрига отилди. - Жудаям согиндим сизни. Кун, соат, дакика, сония санаб озодликка чикишингизни кутдим... мехрибоним мени, гамгусорим онажоним. Мени деб умрини хазон килган муштипарим. Энди сизни бошимда кутариб юраман, онажон. Гам-андухларингизни аритаман. Бировга хурлатиб куймайман...
Она-бола анча вакт бир-бирини багрига босиб, ховли уртасида туриб колишди. Бу манзарани куриб мехмонларнинг юраги сел булиб, бир йиглаб олишди.
- Опажон, мени. унутиб юбормадингизми?
Фарогат "ялт" этиб овоз келган томонга каради. Унинг каршисида яна бир навкирон йигит Хуршиджон турарди.
- Нахотки, сени унутсам? Кани, кел багримга, - Фарогат Хуршиджонни махкам кучоглаб, пешонасидан упди. - Лекин сен билан юзлашишга куркиб юрардим. Ахир отангни...
- Опажон, хаммаси утиб кетди. Утмишнинг кора чизикларини унутамиз. Утганлар хакига дуо киламиз...
- Кани, дастурхонга мархамат, - Фарогатни отаси хаммани дастурхонга таклиф килди.
- Илойим, кизимни кургани шу булсин. Бу егига факат яхши кунларни курсин. Углининг хузурини курсин. Давлатжонни умри узок булсин. Аллох туйларга етказсин, - отанинг бу тилакларига хамма кушилиб, дуога кул очди.
Кутилмаганда ховлига " ким бор, мумкинми?" деб Фарогатнинг кайнакаси Дилмурод хотини ва болалари билан кириб келди. - Хамма жам, битта биз каммиз-ку.
Орага сукунат чукди. Бу жимликни Фарогат бузди.
- Вой, келинглар, хозиргина сизларни эслаб турувдик, - Фарогат уларга пешвоз чикиб, куюккина хол-ахвол суради. Бошка мехмонлар хам дилхираликни унутиб, мехмонларни турга таклиф этишди. Гурунг, мехмонлар сухбати авжига минди.
- Дилмуроджон, эллик грамм куяйми? Ахир жиянингиз Давлатжон бугун вояга етди, шу бугун ичмасак качон ичамиз? - деди Фарогатни отаси.
- Узр, бу шайтон сувидан воз кечганимга анча йил булди. Яхшиси дуо киламиз, - Дилмуроднинг бу гапидан Фарогат хайрон булиб овсинига каради.
Овсини, " шунака, Аллох инсоф бераман, деса, кимни угли деб сурамас экан. Дадамиз умуман ичмаяптилар" деди кошларини чимириб, табассум билан.
- Инсоф бергани рост булсин, арок ичишдан ким фойда курибди? - Фарогат хурсанд булди. У углига караб туймасди. Кувончу шодлиги оламга сигмасди.
Фарогат хозирда отасининг уйида яшаяпти. Угли Давлатжон уз билими билан синовлардан утиб, университет талабаси булди. Буви- ю буваси ва онасининг хизматларини килиб, дуоларини олиб юрибди. Фарогат тикувчилик киляпти. Уй тула шогирдлари бор. Хадемай бу ховлида келин саломлар айтилади. Чунки Давлатжон онасига "уй рузгор ишлари билан кийналиб коляпсиз, синглим булганда дастер буларди. Балки..." деб куз остига олиб куйган кизи борлигини ишора килди...
АЛЛОХ БАРЧАМИЗНИ ФАКАТ ТУЙЛАРГА, ЯХШИ КУНЛАРГА ЕТКАЗСИН. ДИЛОЗОРЛАРДАН УЗОК КИЛСИН. ЯХШИЛАРГА ДУСТ КИЛСИН. ТИЛИМИЗДАН ШИРИН СУЗЛАР АРИМАСИН,
дея Муаллиф УМИДА БОНУ.
Следующая публикация
Нет комментариев