Ажиб дунё, ажиб савдолар,

Биз кимнидир ҳажрида бедор.
Бошқа ерда бизни соғиниб,
Хўнграб-хўнграб йиғлаётган бор.
Ажиб дунё!
Ажиб савдолар!
Кимлар бизнинг васлимизга зор.
Биз қуёшга талпинган сари,
Юракларда ёғаверар қор!
Бу не сиру, бу не синоат,
Жумбоқларнинг асли конимиз.
Бизни суйган кишилар қолиб,
Суймасларга фидо жонимиз.
Ажиб дунё,
Ажиб савдолар!
Бир кун гуллаб, бир кун сўламиз.
Тиғни кўрсак, тавонни босиб,
Ўтни кўрсак, ўтин бўламиз!
Бу не сиру, бу не синоат,
Ёқамизни тишлайверамиз.
Хақиқатни юракка кўмиб,
Ёлғон билан яшайверамиз!
Малика Тавфиқ