Бир қориндан тушган талашиб,

Қувлашмачоқ ўйнаб яйрашиб,
Йўқолмасин оқибат қочиб,
Сингилларим, укам жигарим!
Устубошни кийиб алмашиб,
Ўйинчоқни йғлаб талашиб,
Катта бўлдик энди йил ошиб,
Сингилларим, укам жигарим!
Таққилатиб эшигимизни,
Тез-тез йўқлаб бир-биримизни,
Бажарайлик ўз бурчимизни,
Сингилларим, укам жигарим!
Тўртта эдик энди кўпайдик,
Ширин-шакар жиянлик бўлдик,
Оқибатли бир тан бўлайлик,
Сингилларим, укам жигарим!
Мехмон бўлиб келсангиз уйим,
Осмон қадар етгайдир бошим,
Аямасман нон-у ош-тузим,
Сингилларим, укам жигарим!
Қадри баланд қадрдонларим,
Қариндошим мехрибонларим,
Сиз учун бу ёзган ашъорим.
Сингилларим, укам жигарим!
✍ Лутфуллоҳ Хўжаев.