Етмайди бўғзимга ҳаво.
Оинани очаман...сукунат ва жим...
Сочилиб ётибди маъносиз маъно-
Қоғозлар ичида, шеърларим ғижим...
~~~
Кўчага чиқаман, енгил бир сабо,
Димоғим эркалар...кўзларим юмиқ...
Кўз ёшим томчилар қувончдан, аммо,
Тутмоққа иложсиз кипригим - синиқ!...
~~~
Юраман тинимсиз, атроф зимистон,
Ақалли кўринмас игнадек бир нур...
Туртиндим, йиқилдим, билмайман шу он,
Қўлларим тутдилар, малак ёки ҳур...
~~~
...Билмайман қайси пайт тонг ҳам отибди,
Кўзларим очилди, юзларим қонсиз...
Атрофда саноқсиз савоб ётибди,
Олишга мадор йўқ, ётибман жонсиз...
~~~
Титрайман ҳаттоки очолмай лабни,
Вужудим кетибди сингиб теримга...
Тупирдим, ҳозироқ минг битта қалбни,
Йиғлатиб ёзилган қотил - шеъримга !!!
Присоединяйтесь к ОК, чтобы подписаться на группу и комментировать публикации.
Нет комментариев