Тӱрыштӧ — калыкын вийже ❤

Йошкар-Олаште илыше Лилия Герасимова «Сурт орол», «Еш пушеҥге» марий тамган аралтышым тӱрла, тыглай футболкым марий тӱр дене сӧрастара.
Самырык ӱдырамаш Морко район Шлань ялыште шочын-кушкын. Шке жапыштыже Марий кугыжаныш университетыште тунеммыж годым «Марий мурсем» ансамбльын участницыже лийын. Уста еҥ чыла шотыштат уста, таклан огыл калыкыште тыге ойлат. Лилия кидпашам ышташ йӧрата. Пытартыш ийлаште марий тӱрым тӱрлаш кумылаҥын.