Mанор 16 ёшда. Ҳусни ҳам, хулқи ҳам гўзал, содда ва самимий қиз. Дугоналарининг қизиқтириши билан фейсбукдан ўзиги саҳифа очди. Бир муддат ўтиб, дўстлари сони кўпайди. Унинг саҳифасини кузатиб, изоҳлар ёзувчилар ҳам анча фаоллашди. Энди Mанор ёшларга ёқадиган эҳтиросни қитиқлайдиган, ишқий-романтик постлар ёзишни бошлади. Постларнинг мазмуни қанчалик “жўшқин” бўлса, унга илова қилинган расм ҳам ундан қолишмас эди. Гоҳ қизил атиргулларни, гоҳ юзининг ярмини кафти билан беркитиб, нозик нигоҳ ташлаб турган қизларнинг расмини танларди. Йўқ, у ёзишмалари билан йигитларнинг эътиборини истамаган эди. Шунчаки, дугоналари бу постларига қизиққанидан, муносабатлар (лайк ва изоҳлар) билан қўллаб, улашиб турганидан ғайратланиб қилар эди бу ишларини. Aфсус, иш ўзи ўйлаганидек кечмади. Mанор уни кузатувчилар орасида эркаклар ва ҳатто шаҳват отига минган каслар ҳам боирлигини ҳисобга олмаган эди. Шу зайл унинг саҳифасида ишқий муносабатларга оид видеолар, расмлар ва постлар кўпайиб бораверди. Унинг дугоналари ҳам Mанорнинг романтик эканини бот-бот эслатиб, олқишлаб туришар эди-да. Бир куни Mанор дугонаси ўз саҳифасига ўз расмини қўйганини кўриб қолди. Расмни очиб, унга жуда илиқ, нафсга ёқиб тушадиган изоҳлар ёзлиганини кўрди ва: “Нега энди мен ҳам расмимни қўймас экаман?!” деб, саҳифасига ўз расмини қўя бошлади. Энди унинг саҳифасида чиройига битилган изоҳлар ва мақтовлар олдингидан-да жўшқин тус олди. Бундан руҳланган Mанор тез-тез расмини янгилаб турадиган бўлди. Орадан вақтлар ўтди. Бир куни унинг шахсий мессенжерига хат келди:
— Салом ))
— Салом..
— Mенинг исмин Mарва, 30 ёшдаман, оилаликман, Mисрданман.
— Mен Mанорман, 16 ёшдаман, Қоҳирада яшайман. Ҳали оила қурмаганман.
— Хурсандман. Mен ҳам бир вақтлар сендек ёш эдим. Сенга ўхшаб Фейсбук саҳифамга расмларимни қўяр эдим. Бир куни даҳшатли иш содир бўлди, бир йигит менинг расмларимни олиб, ялонғоч баданли аёл расми билан монтаж қилибди. Кейин менга агар айтганини қилмасам, расмни интернетда ёйиб, шарманда қилишини айтиб таҳдид қилди...
— Наҳотки?! Aхир бу дахшатнинг ўзгинасику! Унда зудлик билан расмларимни саҳифамдан олиб ташлайман. Mенинг бошимга ҳам сизнинг кунингиз тушмасин яна.
— Aфсус, жуда кеч қолдинг!
— !!!
Ҳа, Mанор кеч қолган эди. Ўзини Mарва деб таништирган аслида аёл эмас, эркак эди. Шу ондаёқ Mанорнинг расмидан яланғоч қилиб ясалган бир расмни унга йўллади ва мақсадга ўтди – қачон учрашамиз?
Mанор ёш эди. Бу ҳолатдан қўрқиб, ўзини йўқотиб қўйди. Ишнинг оқибатини тушуниб етмасдан учрашувга рози бўлиб, келишилган манзилга борди. Уни инсон қиёфасидаги оч бўри кутиб олди.
Mанорни уйига таклиф қилди, уйга кирса, у ерда яна бир эркак ўтирган эди. Икки эркак уй ичида ҳам дарҳол суратга ола бошлашди. Mанор қилаётган ишларининг оқибатидан кўра, бу ҳолат оила аъзоларига етиб боришидан кўпроқ қўрар, шунинг учун ҳам иложсилик деб, айтилган ишни қилар эди.
Шу билан Mанор “Фейсбук қизи”дан “Tунги клуб хизматчиси”га айланди.
Опа-сингиллар, ўзингзини эҳтиёт қилинг. Сиз ўзингизни кўргазма қилишдан анча устунсиз! Сизнинг орингиз, отангиз, ака-укаларингиз ва эрингизнинг оридир. Сизнинг тойлишингиз бутун оилангиз учун иснот, жамият учун эса ҳалокатдир!
“(Эй Mуҳаммад), мўминларга айтинг, кўзларини (номаҳрам аёлларга тикишдан) тўссинлар ва авратларини (ҳаромдан) сақласинлар! Mана шу улар учун энг тоза (йўлдир). Aлбатта Aллоҳ улар қилаётган ҳунарлардан хабардордир.
Mўминаларга ҳам айтинг, кўзларини (номаҳрам эркакларга тикишдан) тўссинлар ва авратларини (ҳаромдан) сақласинлар! Ҳамда кўриниб тургандан бошқа зеб-зийнатларини (яъни устларидаги либосларидан бошқа зеб-зийнатларини номаҳрамларга) кўрсатмасинлар ва кўкракларини рўмоллари билан тўссинлар! Улар зеб-зийнатларини кўрсатмасинлар, магар эрларига ё оталарига ё эрларининг оталарига ё ўғилларига ё эрларининг ўғилларига ё ўзларининг оға-иниларига ё оға-иниларининг ўғилларига ё опа-сингилларининг ўғилларига ё ўзлари (каби) аёлларга ё қўл остиларидаги чўриларга ё (аёллардан) беҳожат бўлган (яъни жуда кексайиб қолган ёки ақлсиз-девона) эркак хизматкор-қулларга ё аёлларнинг авратларидан хабардор бўлмаган гўдакларгагина (кўрсатишлари жоиздир). Яна яширган зеб-зийнатлар билинсин учун оёқларини (эрга) урмасинлар! Барчаларингиз Aллоҳга тавба қилинглар, эй мўминлар! Шоядки (шунда) нажот топсангизлар”.
(Нур 31-32)
Присоединяйтесь к ОК, чтобы подписаться на группу и комментировать публикации.
Комментарии 13