Таниш гап...
Бу сўзларни ҳар-бир инсон ҳаётида бирон қийинчилик, тўсиқларга рўпара келганда беихтиёр айтиб юборишади...
Ҳаётида нималар бўлаётгани фақат ўзларигагина аён дўстим...
Тушунаман...Кимдадир кўнгил оғриғи. Кимда моддий муҳтожлик. Кимда қашшоқлик.
Кимдадир эса виждон азоби...
Охири тўйиб кетдим деган сўзни айтишга мажбур бўлиб қоламиз...
Дўстим...Тўхтанг, бир дам!
Тўғри, мен сизни ўрнингизда бўла олмайман.
Эҳтимол, сизни ҳолатингизни тушуна олмасман...
Лекин, лекин, сиз ўзингизни бошқаларнинг ўрнига қўйиб кўрганмисиз?
Сиздан ҳам ҳоли танг бўлган инсонлар бор....
Кўзингизни юминг...
Бир-оз очмай туринг...
Менга айтингчи?
Сиз юмуқ кўз билан нимани кўраяпсиз? Жавобни ҳамма билади...
Зулматни! Қоронғиликни!
Дилингизда шукроналик ўйғонди, дўстим, шу ёруғ оламни кўраётганингиз учун, яшаётганингиз учун...
Яхши...
Дарҳол кўзларингизни очдингиз... Ёруғликка, гўзалликка ютоқиб қарадингиз...
Бир зумдаёқ соғинганингиз шу тирикликка нима етсин...
Кўрдингизми, тириклик - буюк неъмат экан!
Шуни билинг-ки, бу дунёда ҳамма нарса ўтиб кетади.
Бу сийқаси чиққан гап дедингизми?
Албатта, дунёда энг ҳаққоний гаплар кўп айтилар экан, эсланар экан...
Амали ҳам шунга яраша бўлиши керак...
Демак, ўткинчи дунё экан, бахт ҳам, қайғу - кулфатлар ҳам ўтиб кетади...
Бугун қийналган бўлсангиз, эртага роҳатини топасиз! Сабр қилинг, чунки Аллоҳ энг биринчи бизларга сабр қилишни ўргатган...
Сабр қилсангиз албатта ажрини оласиз! Бир марта чуқур нафас олингда, ҳаммаси ўтиб кетади деб ўзингизни ишонтиринг..
Сиз учун ширин ҳаёт ҳали олдинда. Билинг-ки, сиз энг бахтли ва омадли инсонсиз!
Сизга яхшилик ёр бўлишини тилаб:
Малоҳат МИРЗАЕВА
Присоединяйтесь к ОК, чтобы подписаться на группу и комментировать публикации.
Комментарии 2