Предыдущая публикация
СИЗНИ СОҒИНЯПМАН ИЗТИРОБ ЧЕКИБ
Сизни соғиняпман изтироб чекиб,
Яланг оёқ боргум тиконни босиб.
Йўлингизга қўйдим гулларни экиб,
Ё, бугун сиз келинг райҳонлар осиб.
Мен сизни соғиндим кўздан ёш тўкиб,
Кўрмасам қоламан ақлдан озиб.
Сизга йўллаганман имзолар чекиб,
Жавобсиз муҳаббат хатларин ёзиб.
Бахтингиз қушиман,ғамларни чўқиб,
Ёнингизга боргум қанотим ёзиб.
Агар, сиз келсангиз бахона тўқиб,
Кутуб олар эдим поёндоз ёзиб.
Қаддим дол бўлмоқда,боряпман чўкиб,
Толнинг хивчинидек қолганман озиб.
Сиз менинг маҳдҳимни ёлгондан ўқиб,
Қачон келасиз-а бир озиб-ёзиб!?
Юрагим чокларин қўйгансиз сўкиб,
Келиб ямаб кетинг бўлганча косиб.
Балки,қўйгандирсиз мени унутиб,
Қалбингиз қаридан қабримни қозиб.
Сизни соғиняпман изтироб чекиб,
Яланг оёқ боргум тиконни босиб.
Йўлингизга қўйдим гулларни экиб,
Ё, бугун сиз келинг райҳонлар осиб.
Муаллиф: Шералижон Хамроев Шоир
13 06 2022 тел +79999751161
Следующая публикация
Нет комментариев