Ёғочдан коса.

Бир чолнинг қўлидан чинни коса тушиб кетиб, чил-чил синибди. Бундан келиннинг жахли чиқибди. Иккинчи кун тағин шу ҳолат такрорланибди. Жаҳл отига минган келин эрига маслаҳат солибди:
— Бунинг бир чорасини кўрмасангиз бўлмайди...
Бемеҳр ўғил хотиннинг гапини қайтармабди. Ҳовлисининг бир бурчагида мўъжазгина кулба қуриб, отани унга жойлабди. Дурадгорга буюртма қилиб, ёғочдан коса ва қошиқ ҳам ясаттириб берибди. Овқатни ўша ёғоч косадан **** кун ўтказадиган ота шўрлик умрининг охиригача ўша кулбада ёлғиз умир кечирибди...
Кун келиб ўғил ҳам қарибди. Кампири дунёдан ўтгач, куни худди отасидек ўғли ва келинига қолибди. Бир гал чой ичаётиб, қўлидан чинни пиёласи тушиб кетибди ва чил-чил синибди. Буни қарангки, ўғли билан келини отасини айнан ўша кулбага жойлаб қўя қолишибди. Отасидан қолган ёғоч коса ва қошиқ ёнига ўғли ёғочдан пиёла ҳам ясаттириб берибди.
Қайтар дунё қайтганида ҳам ортиғи билан қайтибди!!!
Йиллар ўтиб кетди тепангдан гир-гир,
Отанг мозорига бордингми бир дам?
Отанг хотирасига нима эзгулик,
Қилдингми, ўғлингдан кутсанг сен ҳам...