Тасаввур қилиб кўрингчи!

Анас розияллоҳу анҳудан ривоят қилинади:
- «Росулуллоҳ соллалоҳу алайҳи ва саллам бир боланинг олдидан ўтдилар ва унга салом бердилар».
Имом Муслим ривоятлари.
Ўша бола нақадар бахтли экан-а?!
Кўчада кетяпсиз.
Ёнингиздан Расулуллоҳ соллаллоҳу алайҳи васаллам ўтаётганларида сизга:
- "Ассалому алайкум ва роҳматуллоҳи ва барокатуҳ"-дея салом беряптилар.
Тасаввур қиляпсизми?!
Икки олам сарвари, барча Пайғамбарлар алайҳимуссаломнинг гултожи,
Роббул оламийннинг Ҳабиби бўлган зот сизга салом беряптилар.
Нима аҳволга тушардингиз?!
Нималарни ҳис қилардингиз?
"Ва алайкум ассалом ва роҳматуллоҳи ва барокатуҳу"-деб йўлингизда давом этармидингиз ёки тўхтаб, у зот алайҳиссаломнинг бағриларига ўзингизни отармидингиз?
Ўйлаб кўришга, кўз олдингизга келтиришга уриниб кўринг-чи!