Предыдущая публикация
Չհասկացա, ի°նչ կատարվեց այդ գիշեր,
Չհասկացա, ո°նց որբացա և աշխարհս ո°նց դատարկվեց այդ գիշեր,
Չհասկացա, թե արևս ո°նց խառնեցիր օտար, սառը լուսնի հետ,
...Բայց հասկացա, որ մահացա իմ մարմնի մեջ այդ գիշեր...
Չհասկացա, որ ողջ կյանքում քեզ նայել եմ վարագույրի ետևից,
Որ ողջ կյանքում, ինձ ժպտացել, բայց կախվել ես օտար աստղի փեշերից,
Չհասկացա , անուրջներս ո°նց խամրեցին ու մահացան այդ գիշեր,
...Բայց հասկացա, անշառավիղ տխրությունը ինձ որդեգրեց այդ գիշեր։
Իսկ դու, իսկ դու չհասկացար, որ արևդ անվերադարձ լքեց քեզ,
...Բայց հասկացար, որ գարունդ առանց արև էլ չի ծաղկի սրտիդ մեջ...
Следующая публикация
Нет комментариев