Турли можароларга ўралашиб
қолган клуб соҳиблари ичида
«Милан» президентидан ўтиб
тушадигани нафақат Италия, балки
бутун дунёда ҳам топилмаса
керак. Уни солиқларга оид
фирибгарликда, мафия билан
алоқадорликда ва яна бир қатор
қонунбузарликларда айблашади.
Кўпинча можаролар суд билан
хотима топарди. 2007 йилнинг
февралида Берлусконининг
рафиқаси умр йўлдоши билан
ажрашиш ниятини билдирди: «Мен
ёш қизлар билан кўнгилхушлик
қилиб юрган эркак билан ортиқ
бирга яшашни истамайман».
Орадан ҳеч қанча вақт ўтмай
Вероника Ларио хонимнинг
эътирозига сабаб бўлган 22 ёшли
супермодель Мара Карфанья
Берлускони ҳукуматида тенг
ҳуқуқлилик вазири лавозимини
эгаллади... Умуман, Сильвио
томонидан Аркор вилласида
уюштириладиган кўнгилочар
оқшомлар ҳақида турли
ривоятлар бор.
Собиқ вазирнинг эътирофича, у 20
йил ичида 2500та суд мажлисида
иштирок этган, уларда 106та
жиноий иш кўриб чиқилган. Ана
шу машмашалар туфайли дон
Сильвио 200 млн. евродан маҳрум
бўлган. Уни 17 марта қора курсига
ўтказишга ҳаракат қилишган,
бироқ Берлускони барча
айбловларни инкор этган. Тўғри,
баъзан суд уни айбдор, деб топган.
Лекин жиноят муддати
эскирганлиги ёки даъво аризалари
инобатга олиниб, қарорлар бекор
қилинган.
Жижи Бекали
«Стяуа» президенти Руминия
футболидаги энг жанжалкаш клуб
соҳиби сифатида донг таратган.
Уни лўлилар ва бесоқолбозларни
таъқиб қилганлик ҳамда
келишилган ўйинларни ташкил
этганликда айблашади. «Мен
«Стяуа»ни тарқатиб юборишга
рози бўлишим ҳам мумкин, лекин
унинг таркибида
бесоқолбозларнинг тўп
суришларига асло йўл қўймайман.
Бундай нусхаларни имкон қадар
олисроқ ерларга жўнатиш керак»,-
дейди Бекали. Дарвоқе, президент
бир пайтлар Руминиядаги барча
бесоқолбозларни йўқ қилишга
қаратилган лойиҳани илгари
сурганди. «Стяуа» соҳиби ҳаёти
давомида турли можароларни
бошидан кечирган. Масалан, 2009
йилнинг январида ўз яқинлари
билан 3 нафар шахсни аямай
дўппослаган, қўл-оёқларини
боғлаб, автомобиль юкхонасида
овлоқ жойга ташлаб келган.
Маълум бўлишича, ўша 3 нафар
шахс аввалроқ Бекалининг
автомашинасини олиб қочишган,
қайтариб бериш эвазига ундан
катта миқдорда пул олишган экан.
Шу сабабли президент полиция
таъқибидан омон қолган. Ўша
йилнинг апрелида уни барибир,
ҳибсга олишди, лекин тез орада
қўйиб юборишди. Бекали ўзининг
ўта заҳар тили билан ҳам
машҳур. Масалан, қайсидир
масалада ЧФР президенти Арпад
Пашкани билан келишолмай, уни
сўз билан «узиб» олганди: «Нима,
рингга чиқишни хоҳлайсанми?
Кел, чиқамиз? Оёқ-қўлларингни
синдиришга ваъда бераман.
Истасанг, тўппонча билан
отишамиз». Бухарестнинг
«Динамо» клуби соҳиби ҳам
ундан эшитадигани эшитган:
«Биласизларми, бу одам фақат
эркаклар билан ухлайди».
Табиийки, у Бекалини судга берди.
Лекин ҳеч нарсага эришолмади:
«Қанақа 2,5 миллионлик зарар?
Менинг нақ 30та гувоҳим бор».
Георге Хаджи эса қуйидаги
гаплардан сўнг «Стяуа» бош
мураббийи лавозимини тарк этди:
«Хаджи худди ёш боланинг ўзи.
Доимо орқасига ниқтаб
турмасангиз, бирон-бир ишни
уддалолмайди!».
Қисқаси, Жижи Бекали
иштирокидаги можаролар
каттакон китобга ҳам сиғмайди.
Лучано Гауччи
Жанжалкаш клуб соҳиблари
рўйхатида қизиққон
италияликларнинг кўпчилик
эканликлари тушунарли ҳол.
«Перуджа»нинг собиқ президенти
Лучано Гауччи улардан бири эди.
Бу мутахассис ўз вақтида жамоа
сига Германия ва Швеция терма
жамоалари аъзоларини таклиф
этиш билан шуҳрат қозонган. Бир
қарашда, бунинг ҳеч қандай
ажабланарли жиҳати йўқ. Аммо
ҳамма гап шундаки, Гауччи
«Перуджа»га футболчи қизларни
таклиф қилганди. Фақат, Зепп
Блаттер ўз вақтида аралашиб,
трансфернинг амалга ошишига йўл
қўймади. Ваҳоланки, газеталарда
жарангдор сарлавҳалар билан
шов-шув кўтаришга улгуришганди:
«Перуджа»га Юнгберг келади!
Фақат «Фредди эмас, балки Ханна».
Гауччи ўз қарорини қуйидагича
изоҳлаганди: «Ҳечқиси йўқ, мен
даниялик футболчи қизни
жамоамга қабул қиламан. Аёллар
эркаклардан ақллироқ. Улар
интизомли ва итоаткор бўлишади.
Эркаклардан яхшироқ тўп
сурадиган қизлар жуда кўп.
Улардан ажойиб юлдузлар
тарбиялаш мумкин».
ЖЧ-2002 турнирининг нимчорак
финалида «Скаудра Адзурра»
дарвозасига гол ургани учун
жанубий кореялик Ан Чжун
Хванни эса «Перуджа»дан ҳайдаб
юборди: «Мен Италия футболини
ерга урган йигитчага тоқат
қилолмайман». 2003 йили Гауччи
ўз клубига Ливия президентининг
ўғли Саади Каддафини қабул
қилди: «Нима, сиёсий
етакчиларнинг ўғилларини харид
қилиш мумкин эмаслигини бирор
ерга ёзиб қўйишганми? Мен
истаган футболчини майдонга
туширишим мумкин». Кейинчалик
«Перуджа» қарзларга ботиб
қолгач, Гауччи жамоани ўғиллари
- Риккардо ва Алессандро
ихтиёрига топширди-да, ўзи
Доминиканга йўл олди...
Присоединяйтесь к ОК, чтобы подписаться на группу и комментировать публикации.
Нет комментариев