навбатдаги футбол олами
тарихида юз берган қизиқарли
воқеаларни тақдим этмоқчиман.
Мана сизга «тақдир ҳазили”
Швециянинг “Вальче пинг” клуби
марказий ҳимоячиси Ест Брагге
ғалати тасодиф туфайли миллий
Олимпия терма жамоаси сафида
саралаш баҳсларида тўп тепишдан
маҳрум бўлади. Чунки, майдонда
қилган беъмани тажовузи учун уч
ойга дисквалификация қилинган
эди.
Мамлакат чемпионати
баҳсларининг бирида Брагге матч
ҳаками ёнидан ўтиб кетаётиб,
реферининг бўйнида ёпишиб
турган арини кўриб қолади.
Футболчи мана шу жойда ўзининг
ажойиб реакциясини намойиш
қилади, ва ўйланиб ўтирмай “бир
уриб” ҳакамни чақмоқчи бўлган
арини ўлдиради. Лекин, футболчи
билмасдан қаттиқ зарба бериб
юборади-ми, ҳакам унинг
шапалоғидан ерга қулаб тушади.
Шундан сўнг суриштирув ишлари
бошланиб кетди, аниқ гапки “ари
воқеаси”га яъни Браггенинг гапига
ҳеч ким ишонмайди. Ҳа, ҳеч ким
ишонмади... футболчи бўлса
ўшандан бери термага
олинмаганлигига сабаб қилиб, ўзи
билан Рим олимпиадаси ўртасига
ари қўниб олганлигини гапириб
юрибди.
“Соқолдор” ҳужумчи Зито
Бразилиялик таниқли футболчи
Зито “муҳим” учрашув олдидан
агар жамоаси ғалаба қозонса
дабдабали соқолини олиб
ташлашга ваъда беради. Жамоа
ғалаба қозонди. Зито тантанали
ҳолда фотожурналистлар ва
телеоператорлар қуршовида
сартарошхонага бориб, соқолини
қирдириб ташлайди. Футболчи
соқолидан мосуво бўлди лекин,
мана шу воқеа сабаб, катта
шуҳратга эришди. Бу пиардан энг
катта фойда кўрган эса Зитони
соқолини футбол буюмларини
коллекция қилувчиларга катта
пулга сотган сартарош бўлди.
Зитони айтишича, сартарош унинг
соқоли толалари деб, шу даражада
кўп сувенир сотганки, бу толалар
бутун бошли жамоаси соқолини
олдирганда ҳам бу даражада кўп
бўлмаслиги керак эди.
Ҳакамни сўксанг-ҳакам бўлишга
тўғри келади
Анча йиллар олдин Англия
футбол майдонларининг бирида
ҳакамнинг хатоси сабаб,
жамоалар ўртасида тортишув
бошланиб кетади. Шунда олдинги
қаторда ўтирган томошабинлардан
бири ҳакамни хатоси учун сўкина
бошлайди.
Жаҳли чиққан ҳакам унинг
олдига бориб жавоб қайтаради:
-Агар футболни яхши тушунсанг
матчни ўзинг бошқар!
Мухлис таклифни қабул қилиб
ҳуштакни олиб, ўйинни ўзи
бошқара бошлайди. Хозирда бу
мухлис ҳалқаро футбол
федерациясининг таниқли ҳаками
Джим Фиммейдир. Лекин, бу
ҳолат футбол оламидаги ягона
воқеадир.
“Виждон азоби” қийнаган ишқибоз
Шимолий Ирландия футбол
Федерацияси ҳисоб рақамига 3
шиллинг-у 6 пенс миқдоридаги
маблағ туширилганлиги ҳақидаги
ҳисоб тўлов квитанцияси келиб
тушади. Тўлов қоғозининг орқа
тарафига қуйидаги сўзлар ёзилган
эди: “ Мен Шимолий Ирландия –
Уэльс ўйинидан олдин стадион
олдидан ўтиб кетаётган вақтимда
мухлислар қуршовига тушиб
қолдим. Билет сотиб олмаган
бўлсамда оломон мени судраб
майдонга олиб кириб кетди.
Шундан бери мени виждон азоби
қийнаб келяпти. Ўйиндан сўнг
битта билет нархидаги суммани
сизларга жўнатяпман.”
Трубали ҳакам
Петерница(собиқ Югославия)
шаҳрида икки жамоа ўртасидаги
чемпионат баҳси давом этяпти.
Ўйин ҳисоби иккала клуб учун
ҳам муҳим бўлгани сабаб матч
асабий тарзда кечмоқда. Бирдан
ҳуштак чалинади. Футболчилар
ўйинни тўҳтатишди. Нима бўлди?
Қоида бузилдими? Лекин ҳакам
елка қисиб, ўйинни давом эттириш
мумкинлигини кўрсатади. Яна
ҳуштак овози яна ўйин тўҳтади.
Бир неча марта шу ҳолат
такрорланар, ҳакам ҳуштагини
чалмаганлигини кўрсатар эди.
Тез орада бу номаълум ҳуштак
овози қаердан келаётгани
аниқланади. Маълум бўлишича
стадион темир йўл станцияси бир-
бирининг ёнидан ўтиб кетаётган
паровоз машинистлари бир-бирига
сигнал беришар экан. Паровознинг
сигнали товуши эса ҳакам
ҳуштаги садоси билан деярли бир
хил. Бундай ноқулай вазиятдан
чиқишнинг чораси тез орада
топилади. Шу кундан бери
Петерница стадионидаги футбол
матчлари олдидан ҳакамларга
труба берилади. Энди
машинистлар ҳоҳлаганча сигнал
бераверишсин, футболчилар ва
мухлислар труба товушига қараб
ўйинни томоша қиладилар.
Клубнинг номи устида “бош
қотириш”нинг кераги йўқ
Баъзи футбол клубларининг номи
ғалати тарихга эга. Масалан,
Пермнинг “Амкар” клуби
“Минерал ўғитлар” корхонаси
қошида ташкил топганлиги учун
жамоага бу ерда ишлаб
чиқиладиган иккита асосий
маҳсулот “аммиак” ва “карбомид”
ўғитларини қисқартирилган номи
берилган.
Аутсайдер жамоадан “сюрприз”
2010 йили ўтказилган жаҳон
чемпионати олдидан жуда кўп
мутахассислар Янги Зеландия
термасини асосий аутсайдерлар
қаторига қўйишган эди. Қарангки,
мундиалда мана шу жамоа бир
марта ҳам мағлубиятга
учрамайди. Улар гуруҳ
баҳсларида уч марта дуранг
натижа қайд этади. Афсуски,
бундай натижа билан улар
гуруҳдан ҳам чиқа олмайдилар.
Александр Заваровнинг лақаби
Ўз пайтининг зўр
футболчиларидан бири бўлган
Заваров фаолиятини якунлаш
арафасида Франциянинг “Нанси”
клубида тўп сурган. Жамоадагилар
унга орқаваротдан «blette
»( француз тилидан тажима
қилинганда –“лавлаги”) лақабини
қўйиб олишади. Сабаби, Александр
ўзи ёки жамоадошлари хатога йўл
қўйганида мана шу сўзни кўп
ишлатар экан.
Присоединяйтесь к ОК, чтобы подписаться на группу и комментировать публикации.
Нет комментариев