Дунё асли гўзал, асли
бири кам.
Ҳар қандай инсонга бордир дарду ғам.
Оққуш ўз жуфтисиз яшай олмаскан,
Мен сенсиз қандайин яшайман эркам?
Боғимни гуллатган боғбоним ўзинг!
Умримнинг йўлида сарбоним ўзинг!
Дардимга малҳамдир бир ширин сўзинг!
Айт сенсиз қандайин яшайман эркам?
Гох уйга кираман, кўнглим кўчада.
Хаёлим тортқилар ўша қизчага.
У кечиб кетса ҳам, кирдим шунчага.
Айт сенсиз қандайин яшайман эркам?
Энг улуғ бахт шудир менинг ўйимда,
Ўғилчам тинчгина ухлар қўйнимда.
Ай умрим бахори, қўлинг бўйнимда.
Айт сенсиз қандайин яшайман эркам?
Шаробку ичмайман, бахтимдан мастман!
Аллохим тухфаси, тахтимдан мастман!
Гох қадринг билмаган нокасман, пастман!
Айт сенсиз қандайин яшайман эркам
Умринг узоқ бўлсин, умримиз узоқ!
Ҳали манзил йироқ, йўлимиз узоқ!
Кифтимга кўрк бўлган лолақизғалдоқ!
Айт сенсиз қандайин яшайман эркам?
Присоединяйтесь к ОК, чтобы подписаться на группу и комментировать публикации.
Нет комментариев