1792 — каля Міра адбылася бітва беларуска-літоўскіх харугваў з расійскімі захопнікамі.

1918 — у Мінску адкрыўся Беларускі народны дом імя Максіма Багдановіча.
1929 — у Вільні адбыўся нелегальны з’езд Таварыства беларускай школы.
1944 — прынятая пастанова пра стварэнне ў Мінску Літаратурнага музею імя Янкі Купалы.
1947 — Мінскі аўтамабільны завод выдаў першы грузавік МАЗ-205.
1996 — з мінскай турмы на волю выйшаў прафэсар Юры Хадыка. Арыштаваны за арганізацыю Чарнобыльскага шляху палітык разам са сваім калегам Вячаславам Сіўчыкам правёў у вязніцы галадоўку, якая доўжылася 23 дні і за якой сачылі ва ўсім свеце.
1999 — у Мінску быў абвешчаны прысуд у справе апазыцыйнага палітыка, былога прэм’ер-міністра Міхаіла Чыгіра. Чыгір быў асуджаны да турэмнага зняволеньня тэрмінам на 3 гады з адтэрміноўкай выканання прысуду на 2 гады. Нягледзячы на пратэсты АБСЕ і многіх замежных урадаў, Чыгір заставаўся ў зняволеньні да 30 лістапада 1999 году.
2009 — адчыніўся Музей гісторыі горада Гомеля.