1494 — заключаны «вечны мір» паміж вялікім князем літоўскім Аляксандрам і вялікім князем маскоўскім Іванам III, які завяршыў першую вайну Вялікага княства Маскоўскага у саюзе з Крымскім ханствам супраць Вялікага Княства Літоўскага, Рускага і Жамойцкага 1492-1494 гадоў (Памежная вайна). Паводле дамовы да маскоўскай дзяржавы адыйшлі Вязенскае княства і землі ў басейне Верхняй Акі (Вярхоўскія княствы). ВКЛ адмовілася ад прэтэнзіяў на Ноўгарад Вялікі, Пскоў, Цвер, Разань.
1579 — створаны Гараднянскі шавецкі цэх.
1664 — створаны Слуцкі магерніцкі цэх.
1919 — выбраны 1-ым з’ездам Савецкай Сацыялістычнай Рэспублікі Беларусь Цэнтральны Выканаўчы Камітэт ССРБ пад старшынствам А. Мяснікова. Новы ўрад ССРБ бяз сябраў Беларускіх сэкцыяў РКП(б): Ф. Шантыр, У. Фальскі, Я. Дыла, З. Жылуновіч, А. Чарвякоў і А. Квачанюк.
1919 — у Беластоку прадстаўнікі нямецкага і польскага ўрадаў падпісалі пагадненне, сутнасць якога палягала ў тым, што пасля адводу нямецкіх войскаў з беларускіх земляў функцыю “абароны іх ад бальшавізму” павіна была выканаць польская армія.
1940 — пачалася дэпартацыя некаторых катэгорый насельніцтва з Заходняй Беларусі ва ўнутраныя раёны СССР.
1946 — уступіла ў дзеяньне «Дамова паміж СССР і Польскай Рэспублікай аб савецка-польскай дзяржаўнай мяжы». Юрыдычна зафіксаваны пераход Заходняй Украіны і Заходняй Беларусі ад Польш-чы да СССР. Польшчы перадавалася Беластоцкая вобласць.
1992 — усталяваны дыпляматычныя адносіны паміж Рэспублікай Беларусь і Рэспублікай Аўстрыя.
1999 — у цэнтры Мінска, бліз плошчы Перамогі, баявікі фашыстоўскай арганізацыі «Русское национальное единство» збілі актывістаў Грамадзянскай ініцыятывы «Хартыя-97». Ніводзін з фашыстаў не быў пакараны. Міліцыя не прыняла захадаў дзеля іх разгону і затрымання вінаватых.