1569 — па прапанове Жыгімонта ІІ Аўгуста ў Вялікім Княстве Літоўскім прайшлі соймікі, на якіх была атрымана згода шляхты на падпісанне уніі (Люблінская унія ад 1 ліпеня 1569 года).

1668 — створаны Навагрудскі злотніцкі цэх.
1706 — у Нясвіж увайшло шведскае войска на чале з Карлам XII. Гарнізон замка, які налічваў 200 чалавек, здаў прыдатны для абароны замак без боя. Шведы разбурылі замкавыя ўмацаванні, затапілі 21 замкавую гармату, горад спалілі дашчэнту. Але ў сакавіку таго ж года шведскі атрад не здолеў узяць замак, хоць і перамог у вулічных баях 2-тысячны полк украінскіх казакоў.
1863 — а другой гадзіне па поўдні, у двух кіламетрах ад вёскі Юравічы Ігуменскага павета распачалася бітва паміж паўстанцамі групы Баляслава Свентарэцкага і расійскім войскам.
1864 — расійскія карнікі растралялі Міхала Аскерку, удзельніка нацыянальна-вызвольнага паўстання.
1892 — у Мінску пачала працаваць конка.
1997 — урачыстая каранацыя абраза Маці Божай Каралевы Палесся.