1610 — асобным дэкрэтам, падпісаным у абозе пад Смаленскам, кароль польскі і вялікі князь літоўскі Жыгімонт ІІІ забараніў чытаць і распаўсюджваць “ŕozne pisma po rusku.

W drukarni ruskiej wileńskiej wydrukowane (характэрна, што тут абмінаецца пытанне пра не менш злосныя антыкаталіцкія выданні брацкай друкарні на польскай мове. – М. Н.), któreostatnie sa pasquilluse i bunty przeciw zwierzchności duchownej I swieckiej” — усё гэта пад страхам штрафу 5000 чырвоных злотых. Адначасова было загадана віленскаму ваяводзе і гарадскім уладам Вільні арыштаваць друкароў і “карэктара” (Лявонція Карповіча), а “пасквілі і падазроныя кнігі” спаліць. Што і было зроблена — Лявонцій Карповіч пасаджаны ў астрог, а кніжная прадукцыя разрабавана. Праз некалькі тыдняў пасля гэтых падзей старасты Віленскага брацтва Быхавец і Кроль падалі пратэст у суд ад свайго імя і ад імя брацтва на бургамістраў, радцаў і лаўнікаў, якія захапілі 36 царкоўных кніг у пераплётчыка.
1624 — у лісце да гадаванцаў Грэцкай калегіі Іосіф Вельямін Руцкі гаворыць пра неабходнасць вывучаць багаслоўскую навуку як паводле ўсходніх, так і заходніх айцоў і пастаноў царквы. З 1624 г. у Грэцкую калегію прымаюцца і свецкія вучні з «русінаў».
1765 — кароль польскі і вялікі князь літоўскі Станіслаў Аўгуст Панятоўскі заснаваў ордэн Святога Станіслава.
1794 — Тадэвуш Касцюшка выдаў Паланецкі ўнівэрсал, паводле якога сяланам давалася асабістая свабода, калі яны разлічацца з панамі і заплацяць дзяржаве падаткі, змяншалася паншчына, за сялянамі прызнавалася права на надзелы зямлі, якія яны апрацоўвалі.
1794 — пад Палянамі (цяпер Ашмянскі раён) адбылася бітва паміж паўстанцамі атрада Стэфана Грабоўскага і расійскім войскам.
1942 — у Аляксандраўскім скверы Мінску немцы павесілі 28 кіраўнікоў мінскага падполля. Сярод іх быў Ісай Казінец, кіраўнік падпольля. 250 падпольшчыкаў былі расстраляныя.
1954 — урады ЗША, Францыі і Вялікабрытаніі адмовіліся прыняць СССР у чальцы НАТА.
1993 — утворана Таварыства Вольных Літаратараў.
1999 — у Мінску камандзір СОБРА Дзмітрый Паўлічэнка вярнуў начальніку турмы Алегу Алкаеву расстрэльны пісталет. У сваім рапарце начальнік крымінальнага вышуку генэрал Мікалай Лапацік выказаў меркаваньне, што з гэтага пісталета быў забіты зніклы напярэдадні экс-міністр унутраных спраў Юры Захаранка.
2009 — у Празе адбыўся устаноўчы саміт краін-удзельніц праграмы ЕС «Усходняе партнёрства», з удзелам Азербайджану, Арменіі, Беларусі, Грузіі, Малдовы і Украіны.