6 мая 1911 года ў Мінску на цэнтральных вуліцах упершыню быў праведзены Дзень белай кветкі. Гэта дабрачынная акцыя, дзеля збору сродкаў на барацьбу з сухотамі. Прадстаўнікі дабрачынных таварыстваў прадавалі ў кошыках белыя кветкі з паперы.
На першым фота бачна, якія былі заклікі: «Купите 6-го мая цветок кветку за 5 коп. на борьбу с чахоткой в Минске».
Гараджане прычэплівалі кветкі на адзенне.
Да акцыі далучыліся гарадскія рамізнікі (глядзіце другое фота). Яны аздаблялі сябе і свае экіпажы вялікімі белым кветкамі з паперы і тканіны.
Найбольш багата ўбраныя экіпажы атрымлівалі найбольшыя ахвяраванні. Сабраныя сродкі гарадскія улады накіравалі на дапамогу хворым: былі набыты медыкаменты, адзенне для сухотных хворых.