1434 — вялікі князь літоўскі Жыгімонт Кейстутавіч у Троках выдаў прывілей, якіў раўнаваў у правах каталікоў і праваслаўных і быў скіраваны на з’яднанне вакол яго феадалаў.

1499 — спачатку ў Кракаве, а пасля ў Вільні (24 ліпеня) прынята Кракаўска-Віленская польска-вялікалітоўская унія, акт аб узаемаадносінах Вялікага Княства Літоўскага і Каралейўства Польскага і сумесных дзеяннях супраць знешніх ворагаў. Дзяржавы заставаліся суверэннымі, але сваіх гаспадароў выбіралі са згоды іншага боку.
1543 — кароль польскі і вялікі князь літоўскі Жыгімонт ІІ Аўгуст узяў шлюб з княжной Эльжбетай Габсбургска (1526-15.6.1545), 17-гадовай дачкой аўстрыйскага князя Фердынанда (1503-1564) і Ганны Ягелонкі, каралевы венгерскай і чэшскай.
1589 — кароль польскі і вялікі князь літоўскі Жыгімонт III Ваза надаў Пружанам Магдэбурскае права і герб .
1668 — у Маскве падпісаны Вечны мір паміж Маскоўскай дзяржавай і Рэччу Паспалітай. Гэтая дамова скончыла вайну Масковіі з Рэччу Паспалітай, якая працягвалася з 1654 году.
1863 — паўстанцкі атрад Людвіка Звяждоўскага захапіў горад Горкі.
1937 — арышт органамі НКУС выдатнага грамадскага дзеяча, заснавальніка Таварыства беларускай школы, старшыні Беларускай сялянска-работніцкай грамады, перакладчыка на беларускую мову «Іліады» і «Пана Тадэвуша» Браніслава Тарашкевіча. Расстраляны ў лістападзе ў Курапатах.
1938 — на піярскім касцёле ў Лідзе ўсталявана дошка ў гонар Людвіка Нарбута.
1946 — у лагеры для перамешчаных асоб у нямецкім горадзе Рэгэнсбург адбыўся з’езд працаўнікоў культуры і мастацтва. З’езд утварыў арганізацыю пад назовам Беларускі (Крывіцкі) Фронт Літаратуры і Мастацтва.
1966 — у Мінску ўрачыста адкрыўся новы Палац спорту.
1971 — Пастановай Сыноду ў Канстантынопалі (пратакол № 424) Беларуская Праваслаўная Царква ў краінах вольнага свету атрымала пацверджанне аб прыняцці яе ў духоўную юрысдыкцыю Сусветнага Канстантынопальскага Патрыярха, як і права на беларускага япіскапа.
1981 — у Мінску пачала працаваць першая чарга Сляпянскай воднай сістэмы Цнянскага водасховішча.