1447 — пакідаючы Вільню і пераязджаючы ў Кракаў вялікі князь літоўскі Казімір IV Ягелончык выдаў прывілей (названы Казіміравым).

Ён гарантаваў непарушнасць межаў, што існавалі пры Вітаўце, а шляхце — асабістую вольнасць, якую мела польская шляхта, гарантаваў права уласнасці на землю, вольны выезд за мяжу, права судзіць залежных ад іх людзей. Ён забараніў раздаваць маёмасць і пасады іншаземцам, чым аберагаў інтарэсы Княства і вялікалітоўскай знаці.
1642 — створаны Полацкі цырульніцкі цэх.
1752 — вялізны пажар у Віцебску.
1813 — удзел беларускіх салдат у складзе расійска-прускага войска ў бітве з французамі каля вёскі Грос-Гершэн.
1920 — у Мінску выйшаў першы нумар часопіса «Рунь» (выдаваўся да 4 ліпеня 1920 г.). Рэдак-тар Янка Купала, выдавец Вацлаў Іваноўскі.
1931 — у Мінску пачала вытворчасць кандзіцерская фабрыка “Коммунарка”.
1948 — у Лондане адбыўся першы з’езд Хрысціянскага Аб’яднання Беларускіх Работнікаў у Вялікабрытаніі.
1977 — на чыгуначнай станцыі Крыжоўка пад Мінскам адбылося сутыкненьне пасажырскага цягніка з электрычкай. Паводле афіцыйных дадзеных загінулі 22 чалавекі, паводле неафіцыйных — да 200 чалавек. Гэта была самая буйная чыгуначная катастрофа ў гісторыі Беларусі.