1917 — у Мінску адбыўся першы з’езд ваенных і рабочых дэпутатаў арміі і тылу Заходняга фронту.

1917 — у Мінску пачаўся (доўжыўся да 23 красавіка) І з’езд сялянскіх дэпутатаў Мінскай і Віленскай губерняў (прысутнічала больш за 800 удзельнікаў).
1918 — “Менскае беларускае прадстаўніцтва” дамаглося згоды германскага камандавання на стварэнне груп беларускіх саветнікаў пры акупацыйнай адміністрацыі (губернскіх і павятовых камендантах).
1918 — Рада БНР выдала часовы загад мясцовым беларускім радам, у якім акрэсліваліся прынцыпы выбараў па вёсках, валасцях, гарадох і мястэчках, паветах і губернях органаў Беларускай Народнай Рэспублікі і прыняцця імі на сябе ўлады ад акупантаў у асобных адміністрацыйных галінах (гандлю, асветы, сацыяльнага забеспячэння і іншых).
1923 — Вацлаў Ластоўскі падаў у адстаўку з пасады прэм’ер-міністра Беларуская Народнай Рэспублікі.
1945 — скончыла работу Надзвычайная камісія па ўстанаўленні і раследаванні злачынстваў нямецка-фашысцкіх захопнікаў на тэрыторыі Клецкага раёна. Вынікі работы камісіі былі апублікаваны асобным актам.
1960 — пачала трансляцыі Віцебская студыя тэлебачання.
1986 — у Траецкім прадмесці Мінска было жорстка разагнанае моладзевае фальклёрнае свята “Гуканне вясны”. Удзельнікі савецка-аўганскай вайны, якімі кіравалі з ЦК ЛКСМБ і Мінскага гаркаму КПБ, жорстка збівалі школьнікаў за беларускую мову і беларускія песні.
2005 — дацкая грамадзкая арганізацыя «Еўрапейскі рух» назвала чалавекам году беларускага палітвязня Міхаіла Марыніча.