«Шӧртньӧ шыже» выставка эртен

8-11 октябрьыште Москваште Тимирязев рӱдерыште «Шӧртньӧ шыже» Российысе 27-ше ял озанлык выставка эртен. Тений тӱҥ йодыш семын тушто аграрный секторын цифровизацийжым лончыленыт. Башкортостанын 140 квадрат метран стендыштыже отрасльын цифровизацийже дене кылдалтше ончыл технологий, кочкыш-йӱыш сату - кундемын брендше (башкир мӱй, Белебейын сырже, кундемысе производитель-влакын шӧр сатушт да молат), тыгак республикысе компаний-влакын органический сатум вераҥдыме экспозицийым ужаш лийын. «Йыргешке ӱстел» йыр мутланымаште, кушкылым куштымаш да мелиораций гыч тӱҥалын, ял озанлык сатум экспортыш колтымо да аграрный образованийым тарватыше йодыш-влакым лончыленыт, увертара БР Ял озанлык министерство.
Л. ШАВАЛИЕВА.