Рӱдӧ уремыште - асфальт

Ушменыште Рӱдӧ уремыштышт асфальтым вакшыч (снимкыште). Тиде ончычак тӱҥалме паша, уремын кугырак кутышыжым икмыняр гана ужаш дене петырыме ыле.
Ынде теве тӱҥ уремышт тӱҥалтыш гыч мучаш марте шыма да тӧр корнаныш савырна.
«Асфальт лум гай кава гыч шкеак толын ок воч, - ойла ялысе староста Ю.М. Исинбаев. - Тиде ялысе активын тыршыме, ялсовет да район администраций дене пырля каҥашен, йӧным муын ыштыме паша. Умылен моштышо, полшаш тыршыше, суапле сомылыш ушнышо-влаклан пеш кугу тау!»
Шкенан корр. Краснокам район.