Каратэ кучедалмаште сеҥеныт

Благовещенск районысо марий тукымвож гыч лекше рвезе, мемнан землякна Степан Акмулинын лӱмжӧ спорт тӱняште кумдан палыме.
Тудо Челябинск областьыште ила, киокушинкай каратэ кучедалмаш дене кугу кӱкшытыш, сеҥымаш подиумлашке шкеже веле огыл нӧлталалтын, воспитанникше-влакат ынде шукертсек тудын корныжым тошкат: Аша, Миньяр олаласе самырык-влакым пеҥгыде да виян лийышт манын шуарен кушта.