Суапле сомылым шуктеныт

Кажне марий ялын ожнысек шкенжын кумалтыш верже лийын. Тиде верым араленыт, пуражым уэмден шогеныт. Семык пайрем вашеш тушко ялыште погымо муным намиеныт, кумалыныт.
Тений Нина Имучаева Шелыкын пуражым уэмдаш, йыр печылен налаш кумылаҥдыш. Чоҥымо материалым налаш Ю. Васимов, Н. Имучаева, Д. Аплекаева окса дене полшышт. Нина чылажымат налын ямдылыш. М. Имучаев, Ф. Шамсутдинов, А. Изиланов пурам чоҥышт, печым печылышт. Семык пайрем вашеш чыла ыштен шуктеныт. Ик кече муным погышт, тушто Ю. Васимов кумалтышымат эртарыш. Мыйын шонымаште, кажне ялыште Н. Имучаева гай еҥ лийшаш. Кӧ-гынат шке шочмо ялже верч тургыжланышаш. Нина Шамидановна, тыланда тазалыкым тыланена, сурт кӧргысӧ сомылда эре куштылгын ышталтше.
Д. АПЛЕКАЕВА. Ӱткӱстӧ ял, Караидель район.
Н. Имучаева, Ю. Васимов, Л. Ибасова. Авторын колтымо фото.