Ӱшанле лудшылан - пӧлек

«Чолманлан» шушаш пелийлан возалтше лудшо-влак коклаште эртарыме пӧлек модмашыште Краснокам район Шушнур ял гыч Н.М. Ильина утюгым модын налын. Пӧлекшым таче редакцийыште кучыктышна. Наталья Мачюшкиновна кумло куд ий Шушнур школышто пашам ыштен - тӱҥалтьш класслаште йоча-влакым лудаш-возаш туныктен. Кызыт тудо сулен налме канышыште улеш. Газетнан ӱшанле лудшыжо «Чолманым» ӱмыржӧ мучко - лекташ тӱҥалмыж годсек - лудеш.