Марий патыр-влакым шарнат

Дӧртыльӧ районысо Елтек школын тунемшыже-влак «Кӧ тыгай талешке?» йодышлан вашмутым Марий талешке кечылан пӧлеклыме пайремыште пален налыныт. Марий йылмым да литературым вӱдышӧ М.Н. Адылгареева Акпарс, Болтуш, Онар, Чоткар да моло патыр-влак нерген каласкален. Тиде кечын йоча-влак талешке-влак нерген видеом онченыт, почеламутым лудыныт. 2-3 класслаште тунемше изи патыр-влак йомакым модын ончыктеныт.
Александра ГАРЕЕВА, 9 класс. Елтек школ, Дӧртыльӧ район.