шкежак эн ончыч куанет!
Шошо шке шокшыж дене куандараш ок вашке, но пӱртӱс садак шкенжыным налеш. Чыла уэмын, ужарген, пеледаш тырша. Тыгай жап годым айдемын чонжат вашталтышым йодеш.
Тидын шотышто Изи Соказа ялыштына эркынрак гынат, но паша шолынак шога. «Реальные дела» программа дене ыштыме йоча площадкына уло гынат, тудо мемнан деч мӱндырно, Школ уремыште, верланен. Садлан Ӱлыл уремыштынак шканна ыштыме площадкынам кажне ийын уэмден, ачален шогена. Майысе кужу каныш кече-влакымат пайдалын эртарышна. Каныме да йоча-влакын модмо верыште, «Канде трактор» манын, у тӱсым пуртышна, кугу ӱстелым, теҥгыл-влакым шогалтышна да лӱҥгалтышым сакышна. Кушто кӱлеш, тушто шапалгыше тӱсым уэмден, уэш чиялтен лекна. Тыгай площадкыш логалын, шканетат рвезаҥмыла чучат, лӱҥгалтышыш шинчын, южышто «чоҥештылмет» шуэш.
В. ЗАЙЦЕВА.
Пӱрӧ район.
Авторын колтымо фото.
Присоединяйтесь к ОК, чтобы подписаться на группу и комментировать публикации.
Комментарии 26