1967 йылдың 3 апрелендә Мәләүез районы Түләк ауылында композитор Юлай Үҙәнбаев тыуған.

Юлай Хәмит улы Өфө сәнғәт училищеһын һәм институтын тамамлай. Хеҙмәт юлын Башҡорт дәүләт филармонияһында концертмейстер булып башлай. Башҡортостан театрҙарында эшләй, 50-нән ашыу спектакль өсөн көй яҙа. Юлай Үҙәнбаев ижад иткән йырҙар Башҡортостан һәм Татарстан йырсылары репертуарында хиттарға әйләнгән, беҙҙең радио тулҡындарында ла йыш яңғырай.