Танловга келган ҳикоялардан:

МАЗЛУМАНИНГ ҚАРҒИШИ
Онам ҳикоя қиладилар:
“Оиламизда акам ёлғиз ўғил бўлганлари учун ота-онам эркалатиб катта қилишган. Акам жуда келишган, истарали йигит эдилар. Мактабни тамомлагач, чет давлатида олийгоҳда таълим олишни истадилар ва ўқишни тамомлаб, уйга қайтдилар. Бир олам орзу ҳаваслар билан билан акамни уйлаш тараддудига тушдик.
Айни шу вақтда акамнинг номларига олийгоҳда бирга ўқиган курсдош қизларидан мактуб келди. Қиз мактубида акамдан 4 ойлик ҳомиладорлиги, тез орада қорни билиниб қолиши, уни шарманда қилмай уйимизга олиб келишини акамдан ўтиниб сўраганди. Акам эса унга уйланишдан бош тортдилар. Акамни ҳоҳишлари билан опам у қизга: биз укамизни бокира сочи узун ўзбек қизига уйлаймиз дея жавоб мактубини юбордилар. Шундан кейин у қиз сўнгги мактубида, майли мeнку болани аборт қилдираман лeкин, сeнинг жазойингни худо бeрсин, дея қарғаган эди.
Акам сочи узун, оқила, иффатли ва гўзал ўзбек қизига уйландилар. Келинойим жуда оқила аёл эди. Акам бахтдан сармаст эди. Қувончларига қувонч қўшилиб, келинойим ҳомиладор бўлдилар. Бу хабарни эшитиб акам қувончдан ўзини қўярга жой тополмас, келинойимни ер-у кўкка ишонмасдилар. Шундай кунларнинг бирида бошимизга осмон қулагандай бўлди. Соппа-соғ юрган акам машинасини миниб кўчага чиқиб кетиб, аварияга учраб, бир соатда ўлиги келди...
Бечора келинойим ҳомиладорлигининг 4-ойида бева қолди.
Бир қизни бахтсиз қилган ўз фарзандидан тонган акамни, гарчи мусулмон бўлмасада мазлума қизнинг қарғиши урди.
Ўз фарзандини тан олмай, севган ёридан кутган фарзандини кўриш бахти акамга насиб қилмади.
Онамнинг ҳикояларини эшитар эканман бир ҳадис ёдимга келади:
Расулуллоҳ соллаллоҳу алайҳи васаллам Муоз розияллоҳу анҳуни Яманга юбораётганларида: «Мазлумнинг дуосидан эҳтиёт бўл, зеро, унинг дуоси билан Аллоҳнинг орасида парда-тўсиқ йўқдир», деган эдилар» (Муттафақун алайҳ).
Акам ўтганларидан кейин янгам қизлик бўлганлар. Тақдирни қарангки, энди қизлари мана ўн беш йилдирки фарзандга зор яшамоқдалар.
Муслима.