Предыдущая публикация
Міраносіцы!
Вы да гроба Іісуса ішлі.
Вашы душы нямеюць,
трывожацца.
Стогнуць, плачуць
у ранняй цішы.
А ў руках -усё духмяныя
рэчывы.
Будуць мірай
памазваць Хрыста.
Слёзы коцяцца,
сэрца трапечацца.
І ад крыку нямее душа:
“Што з Хрыстом вы зрабілі,
нелюдзі?
І як камень нам той адкаціць?”
А туман па зямлі
ўсё сцелецца…
Міраносіцы йдуць хараніць…
З-за туману ледзь сонейка
выплыла.
Асвяціла ў пячору ўваход.
Магдалена Марыя
аж крыкнула:
“Няма каменя.
Вольны нам ход!”
У пячоры Анёла ўбачылі.
Над пустою грабніцай стаяў.
-Не шукайце Хрыста
і не плачце вы.
Іісуса Гасподзь Сам забраў.
Ціхі жах.Потым шчасце
і радасць,
Што нясецца ажно да нябёс.
Плашчаніцу яны цалавалі
І крычалі: Хрыстос Уваскрос!
Присоединяйтесь к ОК, чтобы посмотреть больше фото, видео и найти новых друзей.
Нет комментариев